03 Dec 2019 12:57

inkhel

Football titi tawi thenkhat

  • Manchester United boss Ole Gunnar Solskjaer chuan player te hnenah Tottenham Hotspur leh Manchester City te laka an result azirin club thuneitute chuan an ban maithei niin a sawi. (Sun)
  • Manchester United leh Sweden striker hlui Zlatan Ibrahimovic, 38 chuan Premier League lama kir leh theihna hun chu hnawlin a club hlui pakhat AC Milan chu thuthlung a ziahpui hmel hle. (Telegraph)
  • AC Milan hnenah Chelsea leh France striker Olivier Giroud, 33 chu an zawrh. (Calciomercato)
  • Tottenham leh Denmark midfielder Christian Eriksen, 27 chuan contract thar a ziah dawn loh thu sawiin, chelh zui zel an tumna zawng zawng chu sira hnawl vek a tum thu a sawi. (Telegraph)
  • Arsenal board chuan Gunners captain hlui Mikel Arteta chu Unai Emery thlaktu atan an duh a. Mikel Arteta hi Manchester City manager Pep Guardiola assistant a ni mek a ni. (Mirror)
  • Arsenal chuan an club manager thar ni thei turin mi 12 vel chu bih chian an tum. (Mirror)
  • Arsenal thuneitute chuan an club enkawl lailawk tura an ruat Freddie Ljungberg, 42 kaihhruaina hnuaia an che tha chho viau a nih chuan a nghetin thuthlung ziahpui an inhuam. (Evening Standard)
  • Arsenal leh Everton te chuan Valencia coach hlui Marcelino chu manager atan an duh dun hle a. Everton hian an manager Marco Silva chu ban an tum rilru mek a ni. (Mail)
  • Everton chuan Nilainia Liverpool nen derby an khelh hma chuan an manager Marco Silva chu la chhawr zui phawt an tum. (Express)
  • West Ham United chuan Chelsea an hneh theih avangin an manager Manuel Pellegrini dinhmun pawh tlem chuan a ziaawm leh theih phah. (Mail)
  • Tottenham Hotspur boss hlui Mauricio Pochettino chuan Premier League huanga kir leh a hreh loh thu sawiin, club enkawl zui leh vat tura a inpeih thu a sawi chhuak. (Fox Sports)
  • Crystal Palace manager Roy Hodgson chuan Ivory Coast forward Wilfried Zaha, 27 chu la kawl zui zel a beisei thu sawiin, 2023 a contract a hman zawh hma chu hmun danga a kal loh tur thu a sawi. (Sky Sports)
  • Real Madrid chuan Manchester United in hun rei tak an lo hmuh taih tawh, Napoli leh Senegal defender Kalidou Koulibaly, 28 chu nipui hunah lak luh an tum dawn. (Calciomercato)
  • Roma chuan loan-a an lak, Manchester United leh England defender Chris Smalling, 30 chu a ngheta lak tumin hma an la dawn. (Il Romanista)
  • Liverpool chuan Trabzonspor leh Turkey goalkeeper Ugurcan Cakir, 23 che vel thlithlai turin scout an tir dawn. (Mirror)
  • Manchester United leh West Ham United striker hlui, Sevilla striker ni mek, Mexican forward Javier Hernandez, 31 chuan Major League Soccer lama kal a hreh loh thu a sawi chhuak. (Mail)