31 Jul 2020 03:45

inkhel

Football titi tawi thenkhat

  • Mexican forward Raul Jimenez, 29 chuan Manchester United lam a pan theih hmel a. Wolves chuan £27 million sengin Braga atangin kum 27-a upa Portuguese striker Paulinho an lei dawn a, hei vang hian Raul Jimenez pawh chhuahtir an remti dawn niin an sawi. (RTP)
  • Jadon Sancho chuan Manchester United a zawm thei dawn hnai tawh hle a, Borussia Dortmund chuan kum 20-a upa England winger manah hian a tirah £60 million dawn phawt an remtih hmel. (Independent)
  • Chelsea chuan Barcelona atangin kum 28-a upa German goalkeeper Marc-Andre ter Stegen lei an dil dawn. (Cadena Ser)
  • Gareth Bale, 31 chuan Wales boss Ryan Giggs hnenah season tharah pawh khelhna hmun a chang tam thei dawn lo a nih pawhin Real Madrid ah la awm zui a tum thu a hrilh. (Mirror)
  • Chelsea leh Manchester City te chu Austrian utility player David Alaba, 28 ngaihventu zinga langsar zual an ni a. Alaba hian Bayern Munich tan contract thar ziah a tum leh tum loh an thlithlai mek hlawm. (Telegraph)
  • Leeds United chuan English player pahnih lak luh an duh a, Everton midfielder Fabian Delph, 30 leh Tottenham full-back Danny Rose, 30 te chu an boss Marcelo Bielsa chuan a thlithlai a. Premier League lama tawn hriat nei tha sa lak luh ngei hi Bielsa tum dan a ni. (Star)
  • Argentine goalkeeper Sergio Romero, 33 chuan a awm zel dan tur chungchangah Manchester United thuneitute chu kawm chian a duh a. English goalkeeper Dean Henderson, 23 chu loan-a a khelhna Sheffield United kalsanin Old Trafford lamah a kir leh tawh dawn a, Romero hian chinchang hriat chian vat a duh a ni. (Sun)
  • Bayern Munich chief Karl-Heinz Rummenigge chuan kum 29-a upa Spain midfielder Thiago Alcantara chuan chhuah a duh tih sawiin, Alcantara hi Liverpool nen an sawi zawm a ni. (Sky Germany)
  • West Ham United chuan kum 26-a upa Manchester City leh England defender John Stones chu an ngaihven mek a, an lei duh a nih chuan £20 million vela an lei theih a rinawm. (Sun)
  • Brighton chuan Arsenal atangin kum 22-a upa English midfielder Ainsley Maitland-Niles chu lak an rilruk a. Maitland-Niles hian defence ah pawh a khel thei a ni. (Mirror)
  • Leicester City chuan Bournemouth midfielder David Brooks lak luh an duh a, Crystal Palace, Newcastle United leh West Ham United te pawhin kum 23-a upa Wales midfielder hi an ngaihven ve mek a ni. (Express)
  • Inter Milan chuan kumin nipui transfer window inhawn lai ngeiin Chile forward Alexis Sanchez, 31 chu Manchester United atangin a ngheta lak theih ngei an beisei. (Manchester Evening News)
  • Midfielder Mesut Ozil, 31 chu Arsenal ah a la awm zui zel dawn niin a agent chuan a sawi a. German midfielder hian Emirates Stadium-ah a contract hman zawh ngei a tum a ni. (Mail)
  • Liverpool chuan Bournemouth atangin Lloyd Kelly, 21 lak luh an duh a, English defender Kelly hi thla 12 kal taah khan Bristol City tana a khelh laiin lei an lo tum tawh a ni. (Express)