- Borussia Dortmund chuan €130 million (£116 million) aia tlawmin Manchester United nen an sawi zawm mek England winger Jadon Sancho, 20 hralh an tum lo. (Westdeutsche Allgemeine Zeitung)
- Senegal centre-back Kalidou Koulibaly, 29 a hun zawng zawng chu Napoli ah a hmang zo mai thei niin a sawi a, Liverpool, Manchester City, Manchester United leh Real Madrid te chu amah beiseitu langsar zual an ni. (La Gazzetta dello Sport)
- Barcelona chuan kumin nipui transfer window inhawn laiin Paris St-Germain leh Brazil foward Neymar, 28 chu Camp Nou lama lak let an tum ta lo. (Marca)
- Manchester City chuan striker Sergio Aguero chu kum khat chhung thuthlung ziahpui leh an tum a, heti a nih chuan Argentine striker chu Etihad Stadium-ah 2022 thleng a la awm thei ang. (Sunday Mirror)
- Wolves manager Nuno Espirito Santo chu club thuneitute chuan contract thar an ziahpui dawn hnai. (Sunday Mirror)
- Chelsea chuan Manchester United hnenah kum 23-a upa English goalkeeper Dean Henderson man sawi chiang turin an duh a, Kepa Arrizabalaga thlaktu tur an melh tan a ni. (Sunday Express)
- Tottenham chuan nipui transfer window inhawn hunah English wing-back Ryan Sessegnon chu hralh an tum loh thu an sawi a, Barcelona chuan kum 20-a upa Sessegnon hi an ngaihven hle. (Daily Star Sunday)
- Arsenal manager Mikel Arteta chuan Scottish defender Kieran Tierney, 23 chu Leicester City in beisei viau mah se nipui hunah chuan a chhuak dawn lo tih a sawi. (Standard)
- Leicester City chuan Serbia striker Luka Jovic, 22 chu Real Madrid atangin £31 million a lak luh an duh a, season tharah Jovic hi Jamie Vardy nen inkawp turin an duh. (Mail on Sunday)
- AC Milan leh Chelsea te chuan Real Madrid striker Luka Jovic an ngaihven mek. (Mundo Deportivo)
- Championship club Bristol City chuan Rangers boss Steven Gerrard chu an manager ban tak Lee Johnson thlaktu atan an duh. (Sunday Express)
- Juventus leh Manchester City bakah Liverpool te chuan Bayern Munich leh Spain midfielder Thiago Alcantara, 29 an thlithlai ngun hlawm hle. (Tuttomercatoweb)
- Chelsea leh Inter Milan te chuan Lille dawrin France forward Jonathan Ikone, 22 lak dan kawng an dap. (Le 10 Sport)
- Real Madrid boss Zinedine Zidane chuan Colombia attacking midfielder James Rodriguez, 28 chu an club tana a inkhelh zui dawn leh dawn loh a chian loh thu a sawi. (AS)
- Juventus leh Inter Milan te chuan nipui hunah Roma atanga Italy attacking midfielder Nicolo Zaniolo, 21 lak luh an duh ve ve. (Tuttosport)
- Barcelona chuan Ousmane Dembele, 23 an hralh a nih chuan France forward club hlui Borussia Dortmund hnenah €20 million (£17.9 million) an pe ve ang. (Bild)
- Real Betis boss thar Manuel Pellegrini chuan Real Madrid midfielder Brahim Diaz, 20 chu season tharah loan-a lak a duh a. Pellegrini leh Diaz te hi Malaga ah an lo inhrawn tawh a ni. (Mundo Deportivo)
- Chelsea, Manchester City leh Juventus te chuan Penarol leh Uruguay winger kum 18-a upa Facundo Pellistri an ngaihven. (Calciomercato)
- Flamengo leh Brazil midfielder kum 23-a upa Gerson chu Chelsea leh Tottenham nen an sawi zawm mek a, Gerson hian a khelhna club chhuahsan a tum lem loh thu a sawi. (Globo Esporte)