- Manchester United, Chelsea leh Manchester City te chuan Leicester City atangin £60 million man defender Ben Chilwell, 23 lak luh an tum dawn. (Sun)
- Manchester City midfield star Kevin de Bruyne, 29 chuan kum hnih chhung UEFA Champions League khel thei dawn lo mah se hmun danga kal a tum loh thu a sawi. (Mail)
- Defender pahnih Nicolas Otamendi, 32 leh Oleksandr Zinchenko, 23 te chu Manchester City chuan Napoli atanga Kalidou Koulibaly, 29 lak an tumnaah kaltir an remti a. City hian Manchester United leh Liverpool te chu chet khalh ngei an tum hle. (Sun)
- Juventus chuan nikumah khan kum 18-a upa Mason Greenwood chu Manchester United atangin a chhuak a nih chuan a nun thlak danglam thei khawpa tam pawisa pek an inhuam niin an sawi. (Athletic)
- Aston Villa assistant manager John Terry chuan club enkawl a inpeh tawh thu sawiin, Chelsea leh England defender hlui hi Bristol City enkawl tura rin kai zingah a tel a. Terry bakah hian Lee Bowyer leh Phil Neville te hming an sawi ri a ni. (Mail)
- Chelsea winger Willian chu Tottenham Hotspur chuan signing-on fee tam tham tak mai an zawrh mek a. Kum 31-a upa Brazilian winger hian nipui hunah Stamford Bridge lama a contract a hmang zo tawh dawn a ni. (Football Insider)
- AC Milan, Valencia leh Real Betis te chuan midfielder Dani Ceballos, 23 chu a ngheta lak an duh hlawm a. Arsenal chuan loan-a an lak Spanish midfielder hi Real Madrid atanga an la nghet duh a nih chuan an chet vat a ngaih hmel hle. (Express)
- Manchester United chuan Fiorentina atanga Italy winger Federico Chiesa, 22 lei turin hma an la mek. (Corriere Fiorentino)
- Chelsea chuan Germany leh Bayer Leverkusen forward Kai Havertz, 21 lak dan an ngaihtuah chho mek a, English striker Callum Hudson-Odoi, 19 chuan an beisei anga hma a sawn chhoh loh avangin German forward hi an duh zual phah a ni. (90min)
- Barcelona chuan Inter Milan leh Argentina striker Lautaro Martinez, 22 chu a thu phungin inremna an neihpui tawh niin an sawi a. Hetih lai hian Catalan club chuan Bayern Munich in an hawh, Brazil forward Philippe Coutinho, 28 an hralh chhuah hmasak a ngai dawn a ni. (ESPN)
- Werder Bremen sporting director Frank Baumann chuan Kosovo winger Milot Rashica chuan chhuah a dil tih sawiin, Wolves, Liverpool, AC Milan, RB Leipzig leh Hertha BSC te chuan kum 24-a upa Rashica hi an ngaihven hlawm. (Werder Bremen)
- USA midfielder Weston McKennie chuan Schalke a chhuahsan hmel a, kum 21-a upa McKennie hi European club eng emaw zatin an ngaihven mek a, heng zingah hian Liverpool leh Chelsea pawh an tel. (CBS Sports)
- Arsenal leh France midfielder kum 21-a upa Matteo Guendouzi chuan amah chauhin training a la neih chhunzawm zel a, manager Mikel Arteta chuan first-team squad lamah a la telh leh rih lo. (ESPN)
- Chelsea chuan Monaco leh France winger Malamine Efekele, 15 chu an thlithlai ngun hle. (L'Equipe)
- Everton leh DR Congo winger Yannick Bolasie, 31 chu loan-a a khelhna Sporting Lisbon atangin a kir leh tawh a, an club chhuahsan a la duh loh thu sawiin, Carlo Ancelotti kaihhruaina hnuaia khelh chu a duh thu a sawi. (Liverpool Echo)
- Barcelona chu Rayo Vallecano atanga Spanish forward Fabian Luzzi, 16 la lut thei tura rin kai ber an ni a, European club dang pawhin Luzzi hi an ngaihven ve mek bawk a ni. (Marca)
- Everton leh Netherlands right-back Nathan Markelo, 21 chu first team lamah a la inlan rih lo a, Dutch club FC Twente chu loan in a zawm tep tawh. (De Telegraaf)
- Brescia chuan an website lamah Italy striker Mario Balotelli, 29 rihna chu a pung chho hle tih tar langin, 99.8 kg zeta rit a ni tawh tih an tar lang a, a nih dan tur ang aiin 8 kg ngawtin a rit mek tih an tar lang bawk. (Mail)