- Real Madrid chuan world record thar siam turin Paris Saint-Germain atanga £340 million zeta kum 20-a upa Kylian Mbappe lak luh chungchang an ngaihtuah. (Le Parisien)
- Cristiano Ronaldo chu inkhelh laia an thlak hnua a awm dan avang khan Juventus chuan an hrem dawn lo a. Hetih rual hian kum 34-a upa Portuguese forward hian a teammate te hnena ngaihdam a dil erawh an phut thung. (Gazzetta dello Sport)
- Manchester City chuan Rennes leh Angola midfielder la naupang tak, kum 17-a upa Eduardo Camavinga chu lak theih ngei an tum. (90min)
- Barcelona chuan Red Bull Salzburg striker kum 19-a upa Erling Braut Haaland chu kum 32-a upa Luis Suarez thlaktu atan an duh a, hetih rual hian Austrian club-in £85 million zet an phut avangin an tim deuh. (ESPN)
- Chelsea manager Frank Lampard chuan inkaihhruaina khauh tak a keng kawh mek a, training naa kal tlaite chu £2,500 a chawitir zel a ni. (Mirror)
- Lyon leh Netherlands forward Memphis Depay, 25 chuan tun hnaia Tottenham Hotspur nen an sawi zawm chungchangah thu thang vel sawi zui vak a duh loh thu a sawi chhuak. (Football.London)
- Napoli president Aurelio de Laurentiis chu Qatar lam atangin an club chu €560 million a lei diltu an awm mek. (Mail)
- Swiss midfielder Granit Xhaka, 27 chuan Italy lamah in a zawng mek a, January thlaah hian AC Milan a zawm mai hmel hle. (RSI)
- Tottenham chuan Roma leh Italy midfielder Lorenzo Pellegrini, 23 chu Christian Eriksen thlaktu turin an hual lawk. (Football Italia)
- Nemanja Matic chuan a theih anga hmaa Manchester United chhuahsan a duh a. Kum 31-a upa Serbian midfielder hi a chhuak a nih chuan Italy ram lam a pan a rinawm ber. (Telegraph)
- West Ham United an hneh lo a nih chuan Tottenham manager Mauricio Pochettino chu club thuneitute chuan an ban ngei a rinawm. (Telegraph)
- Fiorentina chuan Vincenzo Montella lakah dawhtheihna an tlachham sawt hle a, Inter Milan boss hlui Luciano Spalletti chu an dawr tan tawh. (Football Italia)
- Arsenal chuan Colorado Rapids leh American midfielder kum 18-a upa Cole Bassett chu kar khat chhung trial an neihpui mek a, January thlaah khian Cole Bassett hian Arsenal a zawm thut thei a ni. (Sun)
- Wolves chuan kum 17-a upa Dutch defender Nigel Lonwijk chu January thlaah hian PSV Eindhoven atangin £170,000 a lak luh an remti. (ED)
- Lyon chuan Real Madrid striker Karim Benzema, 31 chu a chawr chhuahna, an club-ah ngei a hun tawp hmang tura an duh thu an sawi. (Mundo Deportivo)