- Manchester United manager Ole Gunnar Solskjaer chu United player hlui Jonathan Greening chuan Aston Villa atanga Jack Grealish, 24 la tura a tih bakah Leicester star James Maddison, 23 pawh nipui huna la turin a chah. (Metro)
- Manchester United chuan Real Madrid leh Uruguay midfielder Federico Valverde, 21 chu Paul Pogba an hralh huna a hmun ruak luah thei tur atan an hual lawk. (Express)
- Chelsea chuan left back an zawng kual mek a, Emerson Palmieri, 25 leh Victor Moses, 29 te chu hralh chhuah an phal. (Sun)
- Manchester United, Tottenham leh Arsenal te chuan Napoli leh Poland striker Arkadiusz Milik, 26 chu an ngaihven hlawm hle. (Calcio Mercato)
- Sheffield United player te chu coronavirus vanga an chawlh laiin an taksa an tih fit zui loh chuan pawisa chawitir an nih tur thu an hriattir vek. (Yorkshire Post)
- Leeds United neitupa Andrea Radrizzani chuan January thlaa transfer window inhawn lai khan Paris St-Germain leh Uruguay forward Edinson Cavani, 33 bakah AC Milan leh Sweden forward Zlatan Ibrahimovic, 38 te chu lak a tum thu a sawi. (Mail)
- Manchester United chu kumin nipui transfer window inhawn hunah Borussia Dortmund atanga England forward Jadon Sancho, 20 la thei tura rin kai ber an ni mek. (Independent)
- Real Madrid pawisa leh player hmangin Arsenal atanga Gabon striker Pierre-Emerick Aubameyang, 30 lak chhuah theih an beisei. (Star)
- Manchester United chuan England defender Chris Smalling, 30 a ngheta Roma zawm phalsak an inhuam a. Chutiang thleng thei tur chuan Napoli leh Senegal defender Kalidou Koulibaly, 28 an lak theih phawt erawh a ngai ang. (La Gazzetta dello Sport)
- Arsenal chuan nipui transfer window inhawn lai khan Chris Smalling chu lak an tum a, Manchester United in £25 million an chhiar avangin an lei ta lo. (Metro)
- Tottenham leh Belgium defender Jan Vertonghen, 32 chuan contract thar ziah a, season thara Spurs player la nih zel chu a duh leh duh loh a chian loh thu a sawi. (Mirror)
- Arsenal chuan June 30 hnuah season an la kalpui zel a nih chuan kum 23-a upa Dani Ceballos chu Real Madrid hnenah hawh chhunzawm an dil hlawhtlin theih mai an ring. (Standard)
- Leicester City chu Atalanta leh Belgium defender Timothy Castagne, 24 nen an sawi zawm. (Sport Foot)
- Arsenal chuan Dayot Upamecano chu RB Leipzig atangin an la thei mai thei a. Kum 21-a upa French defender hian nipui transfer window inhawn hunah a club chu chhuahsan a duh a ni. (Bild)
- Coronavirus vanga Premier League leh EFL te an chhunzawm theih rih loh avangin nipui transfer window chu January thleng an hawng mai thei. (Express)
- Arsenal leh Tottenham striker hlui Emmanuel Adebayor chu coronavirus vangin Benin ah a la tang mek a. Paraguay club Olimpia kalsanin Togo ah a chhungte bula awm hman a tum a, Benin ah hian ni 15 chhung mahni inkhung hrang turin an lo ti a ni. (Talksport)
- Chelsea chuan coronavirus vangin player contract chungchang pawh an buaipui rih lo a. Blues player pali - Brazil midfielder Willian, 31, France forward Olivier Giroud, 33, Spain winger Pedro, 32, leh Argentina goalkeeper Willy Caballero, 38 te chuan contract an hmang zo dawn hnai a ni. (Telegraph)
- Pedro chuan season tawp hunah Stamford Bridge chhuahsan a tum thu sawiin, a awm zui zel dan tur chu chiang taka a la ngaihtuah rih loh thu a sawi. (Independent)