- Manchester United chuan Old Trafford-ah an striker hlui Zlatan Ibrahimovic chu an ko kir leh thut maithei a. Kum 38-a upa Sweden striker hlui hian MLS club LA Galaxy ah contract a hmang zo dawn hnai tawh a, free agent a ni tep tawh a ni. (TuttoMercatoWeb)
- Arsenal thuneitute chuan manager Unai Emery chu 100% in an la thlawp thu an sawi chhuak a, Spaniard coach chungchanga thutlukna an siam hmain nipui an nghak thleng phawt dawn niin an sawi. (The Athletic)
- Spain manager hlui Luis Enrique chu Unai Emery thlaktu tur angin thu a thang mek a, hetih lai hian Enrique chuan team enkawl a tum rih loh thu a sawi. (ESPN)
- Denmark star Christian Eriksen, 27 a chhuak a nih tak leh Tottenham chuan Ajax leh Morocco winge Hakim Ziyech, 26 chu lak an tum ang. (90min)
- Brazil forward Neymar-a pa chuan Camp Nou lama a fapa kir lehna turin Barcelona nen inbiak an tum loh thu a sawi a. A fapa kum 27-a upa chu Paris Saint-Germain ah a la awm zel dawn niin a sawi. (ESPN Brazil)
- Chelsea leh France midfielder N'Golo Kante, 28 chuan Real Madrid pan a tum lem loh thu sawiin, Stamford Bridge-ah chuan a hun pum a hmang maithei niin a sawi. (Sun)
- Burnley chuan kum thar January thla thleng bak Chelsea atangin kum 29-a upa midfielder Danny Drinkwater hawh zui an tum lo. (Sun)
- Inter Milan chuan kum 32-a upa Belgium forward Dries Mertens chu an ngaihven hle a. Dries Mertens hian kum thar nipui hunah Napoli-a a contract a hmang zo tawh dawn a. Inter Milan hian Paris Saint-Germain defender kum 28-a upa Thomas Meunier bakah France defender Layvin Kurzawa, 27 te chu an ngaihven tel bawk a ni. (Calciomercato)
- Wolves forward Adama Traore chu Mali ram mi niin Spain ramah a piang a, hei vang hian kum 23-a upa Traore hi Spain leh Mali chuan an ram aiawha khel turin an ko ve ve a, duh thlan ngaihna a la hre rih lo. (Sun)
- Middlesbrough manager Jonathan Woodgate chuan social media kaltlanga sawiselna a dawn ho chu Newcastle United leh Sunderland tantute atangin a nih a rin thu a sawi. (Evening Gazette)
- Leeds United leh England midfielder Kalvin Phillips, 23 bakah a thianpa, Brighton atanga Elland Road lama loan-a kal mek, kum 22-a upa defender Ben White te chu Manchester United chuan an thlithlai ngun hle. (Football Insider)
- German goalkeeper Marc-Andre ter Stegen, 27 chuan Barcelona teammate te a sawisel nia an puhna chu a pha nasa hle. (Bild Sport)