- Tottenham Hotspur leh Everton te chuan Roma in an hawh mek, Manchester United leh England defender Chris Smalling, 30 chu an ngaihven hle. (Corriere dello Sport)
- England forward Raheem Sterling, 25 chuan Manchester City chu Champions League khel thei lo turin hrem mah se a khelhna club tana rinawm zui zel a tum thu a sawi. (Manchester Evening News)
- Barcelona chuan Middlesbrough striker hlui Martin Braithwaite, 28 chu Leganes atangin an lak luh hmel. (Mundo Deportivo)
- Liverpool manager Jurgen Klopp chuan Timo Werner chu a la duh hle a, hetih rual hian Reds chuan RB Leipzig atanga kum 23-a upa Germany forward lak hi an tum rih lo. (Independent)
- Lille manager Christophe Galtier chuan an club leh kum 20-a upa French midfielder Boubakary Soumare inkar boruak a fuh vak lo niin a sawi a. Boubakary Soumare hi Manchester United, Liverpool leh Chelsea te chuan an hmu tai hle. (Express)
- Chelsea midfielder Mario Pasalic chuan nipui hunah Atalanta chu a nghetin a zawm maithei a. Atalanta hian kum 25-a upa Croatian midfielder hi an duh chuan £12.5 million chauhin an lei thei dawn a ni. (Guardian)
- French midfielder Matteo Guendouzi, 20 chu Pathiannia Arsenal leh Newcastle United an inkhelh tum khan khelmualah hmuh tur a awm lo a, hei vang hian khelhna hmun chang leh thei tur chuan tan a lak a ngai viau dawn niin an sawi. (Mirror)
- Matteo Guendouzi chu Dubai lama an club training neihnaah Arsenal manager Mikel Arteta bakah coaching staff te nen thinrim deuhin an inhnial niin an sawi a, hei vang hian Newcastle United hmachhawn tur pawhin a tel ta lo niin an sawi. (Goal)
- Brazilian club Botafogo chuan Manchester City midfielder hlui Yaya Toure, 36 chu an la lut dawn hnai a, Nilainiah emaw, Nilaithawhtanah emaw hi chuan Ivory Coast midfielder hi an lak luh hman an beisei. (Globo Esporte)
- Southampton leh Burnley te chu Premier League club thenkhat zinga Oxford United leh England defender Rob Dickie, 23 beiseitu zingah an tel. (Football Insider)
- Dutch club Ajax Amsterdam chuan nipui transfer window inhawn hunah an player pariat vel zet chu an chan maithei. (The Athletic)
- Braga coach Ruben Amorim chuan Portugal ramah racism chu buaipui tham a nih thu sawiin, tun hnaia Porto striker Moussa Marega thil tawn chungchangah a ngaihdan a sawi chhuak a ni. (A Bola)