- Arsenal midfielder Granit Xhaka chuan January thlaah Emirates Stadium a chhuahsan thut thei a, a chhuak duh dawn a nih chuan Newcastle United chuan kum 27-a upa Switzerland star hi lak an duh dawn a ni. (Times)
- Barcelona chuan Arsenal atangin Gabon striker Pierre-Emerick Aubameyang, 30 chu lak luh an duh thu sawiin, January thlaah hian lak luh an tum thut maithei. (El Chiringuito)
- Uruguay midfielder Lucas Torreira, 23 chuan Emirates Stadium-a a awm zel dan tur chungchangah club thuneitute a be dawn. (Mirror)
- Norway striker Erling Braut Haaland, 19 chuan Manchester United, Liverpool leh Arsenal te chu hnawlin Bundesliga club RB Leipzig chu Red Bull Salzburg atangin nipui hunah a zawm maithei. (Sky Sports)
- Manchester City manager Pep Guardiola chuan a contract chu season lehpek tawp hunah a hmang zo dawn a, chumi hnuah chuan Italy lama club enkawl a hreh vak lo niin an sawi. (Times)
- Burnley leh England U21 winger Dwight McNeil, 19 chuan tun hnaia thu thang vela Manchester United nen an sawi zawm chungchang chu a buaipui loh thu sawiin, a inkhelhah chauh a rilru a dah tih a sawi. (Mirror)
- Manchester United, Tottenham leh Wolves te chu January thlaa Real Madrid atanga Colombian forward James Rodriguez, 28 la thei tura sawi rik nasat pawl an ni. (El Desmarque)
- Crystal Palace chuan tun season chhunga Wolfsburg tana game 15 khelha goal 8 thun thei, Netherlands striker Wout Weghorst, 27 chu an thlithlai ngun hle. (Calciomercato)
- Arsenal leh West Ham te chuan Eintracht Frankfurt atangin Austria defender Martin Hinteregger, 27 chu £22 million a lak luh an inchuh dawn niin an sawi. (Sun)
- Bournemouth leh Wolves te chuan January thlaah khian Huddersfield atangin kum 22-a upa English forward Karlan Grant chu lak luh an duh. (Sun)
- Southampton defender Cedric Soares chuan season tawpah club chu a chhuahsan dawn tih sawiin, hemi hma hian kum 28-a upa Portugal defender hian Southampton chu an relegate loh nan theihtawp a chhuahpui phawt dawn niin a sawi bawk. (Telegraph)
- Arsenal leh Scotland defender Kieran Tierney, 22 chuan tuna an club harsatna neih mek ching fel theitu chu player te an nih thu sawiin, khelmualah tha taka an chet a pawimawh ber tih a sawi. (Telegraph)