12 Feb 2020 03:05
Football titi tawi lawr khawm
- Manchester United chuan £160 million sengin nipui hunah Aston Villa midfielder Jack Grealish, 24 bakah Leicester City leh England midfielder James Maddison, 23 te chu lak an duh. (Sun)
- Manchester United chuan Chelsea pawhin lak luh tuma an melh mek Borussia Dortmund leh England forward Jadon Sancho, 19 chu £120 million vela lak theih an inring. (Mirror)
- Liverpool chuan Netherlands defender Virgil van Dijk, 28 chu contract thar an zawrh dawn a, kar khata £150,000 chuang hlawhtir an tum. (Football Insider)
- Manchester United chuan nipui transfer window inhawn hunah Lyon leh France striker kum 23-a upa Moussa Dembele chu beisei thar leh an tum. (L'Equipe)
- Tottenham Hotspur chuan Bournemouth leh Holland centre-half Nathan Ake, 24 chu £40 million a lei dil an rilruk. (Express)
- Chelsea chuan Netherlands defender Nathan Ake chu Boournemouth hnena an hralh khan an duh chuan lei let leh thei turin thuthlung an ziak a, nipui hunah chuan an la kir leh maithei. (Sun)
- Napoli leh Belgium striker Dries Mertens, 32 chu nipui hunah free transfer in a chhuah hmel a, a chhuak dawn a nih chuan Chelsea, Manchester United leh Arsenal te chuan lak theih ngei an tum hlawm ang. (Mail)
- Chelsea chuan Morocco winger Hakim Ziyech chu ngun takin an thlithlai dawn a, January thlaa transfer window inhawn lai khan Ajax winger kum 26-a upa hi lak tumin hma an lo la tawh a ni. (Telegraph)
- Arsenal leh Manchester United te chuan Hakim Ziyech chu an hmu tai hle a, nipui transfer window inhawn hunah Chelsea te nen an inchuh ngei a rinawm hle. (Sun)
- Chelsea chuan £12.7 million in Sassuolo midfielder Jeremie Boga, 23 chu an la let leh maithei a. Ivory Coast midfielder hian 2018 kumah khan Stamford Bridge chhuahsanin Serie A club hi a pan a ni. (Express)
- Ajax chuan nipui hunah Tottenham leh Belgium defender Jan Vertonghen chu lak an rilruk deuh a, kum 32-a upa Vertonghen hian season tawp rualin a contract a hmang zo tawh dawn a ni. (Guardian)
- Manchester City, Manchester United, Liverpool leh Atletico Madrid te chuan Verona leh Albania defender Marash Kumbulla, 20 chu an hmu tai hlawm hle. (Gazzetta dello Sport)
- Southampton leh Republic of Ireland striker Shane Long, 33 chuan season tawp rualin contract a hmang zo tawh dawn a, a thar a ziah leh ngei an ring. (Southern Daily Echo)
- Premier League leh Championship club te chuan an inkhelh dawna mascot vel atan vela an hman thin naupangho hnenah £700 thlengin an pe thin niin an sawi. (Telegraph)
- Liverpool chuan Benfica leh Brazil striker Carlos Vinicius chu an thlithlai ngun hle a, kum 24-a upa Carlos Vinicius hi lak luh an hreh lo hle. (O Jogo)
- Arsenal chuan France midfielder kum 21-a upa Pape Gueye chu an hmu tai hle a. Pape Gueye hi Ligue 2 club Le Havre ah a awm mek a ni. (Mail)
- Chelsea, Arsenal leh Manchester United te chuan kum 17-a upa, feet 6 leh inches 4 zeta sang, Hartlepool leh England youth goalkeeper Brad Young chu an hmu tai hlawm hle. (Sun)
