- Arsenal leh Gabon striker Pierre-Emerick Aubameyang, 30 chu Inter Milan chuan January thlaa transfer window inhawn huna lak atan an hual. (Star)
- Watford player te chuan Quique Sanchez Flores an ban hnuah an club enkawl turin British manager an duh thu an sawi a. Brighton boss Chris Hughton leh Reading manager hlui Paul Clement te chu Watford nen hian an sawi zawm mek a ni. (Mail)
- Queens Park Rangers leh England Under-21 midfielder Eberechi Eze duhthusam a thleng lo leh thei mek a, Tottenham Hotspur zawm a duhna chu Mauricio Pochettino a awm tak loh avangin a beiseiawm lo tan a. Chelsea, Leicester City leh West Ham United te chuan Eberechi Eze hi an enthla mek niin an sawi. (Sun)
- Tottenham leh Argentina international midfielder Giovani lo Celso, 23 chu Real Betis atangin Spurs chuan an hawh mek a, hmun dang pan chungchang a ngaihtuah mek niin an sawi. (Marca)
- Liverpool chuan Manchester United leh Manchester City te ang bawkin Lyon leh France forward Mathis Rayan Cherki, 16 chu an ngaihven ve tan a. Mathis Rayan Cherki hi Ligue 1 leh UEFA Champions League lamah pawh a inlan ve ve tawh a ni. (90 Min)
- Manchester United manager Ole Gunnar Solskjaer chuan Aston Villa nen an inhnehtawk tuma Jack Grealish khelh dan chu a fak hle a. Kum 24-a upa English midfielder lak chungchang erawh engmah a sawi chhuak duh rih lo thung. (Metro)
- Juventus director Fabio Paratici chuan Barcelona atanga Croatia midfielder Ivan Rakitic, 31 lak chu an club hian an rilruk lo hrim hrim niin a sawi. (Mail)
- Juventus chuan Manchester United, Manchester City leh Arsenal te ngaihven mek Turkey defender Merih Demiral, 21 hralh an phal leh phal loh an la sawi chiang lo a. Arsenal, Wolverhampton Wanderers leh West Ham United te nen an sawi zawm mek, Italy midfielder Daniele Rugani, 25 hralh an phal leh phal loh pawh an la sawi chiang chuang lo. (Calciomercato)
- Leicester City leh Turkey international defender Caglar Soyuncu, 23 chu Manchester City nen an sawi zawm a, hetih rual hian a agent chuan King Power Stadium chhuahsan a la tum loh thu a sawi thung. (Leicester Mercury)
- Barcelona chuan Germany midfielder Julian Weigl chu kum thar nipui transfer window inhawn hunah an midfield tihchakna turin an duh niin an sawi a. Catalan club hian Borussia Dortmund in £21 million an chhiar Julian Weigl hi lei mai an hreh lo niin an sawi. (Mail)
- Newcastle United leh England midfielder Jonjo Shelvey, 27 chuan a hun zawng zawng chu Magpies tana hman vek a duh thu sawiin, tunah pawh contract thar ziah a duh thu a sawi. (Newcastle Chronicle)
- Aston Villa chu LA Galaxy leh France winger Romain Alessandrini, 30 nen an sawi zawm mek. (Birmingham Mail)
- Tottenham boss hlui Mauricio Pochettino chuan a awm zel dan tur ngaihtuah mek pahin a club khelh hmasak berna, 1989 leh 1994 inkara a lo khelhna thin, Argentina club Newell’s Old Boys chu a tlawh. (Mail)
- Atalanta leh Sweden midfielder Dejan Kulusevski chu loan-in Parma lamah a awm mek a. Arsenal, Manchester United leh Tottenham Hotspur te nen an sawi zawm a, amah ber chuan Chelsea a ngaihsan thu a sawi chhuak. (Talksport)
- British leh Irish football association te chuan inkawp a 2030 World Cup thlen an rilruk. (Times)