16 Sep 2020 03:23

inkhel

Football titi tawi lawr khawm

  • Tottenham Hotspur chuan England midfielder Dele Alli, 24 chu Real Madrid atanga Wales forward Gareth Bale, 31 lak an tumna kawngah hman tangkai an rilruk. (Mail)
  • Everton chuan an player neih sa eng emaw zat chu hralh an tum a, hralh chhuah tura an ruahman zingah England forward Theo Walcott, 31, Nigeria winger Alex Iwobi, 24 leh Italian striker kum 20-a upa Moise Kean te chu a langsar zual an ni. (Mirror)
  • Gabon striker Pierre-Emerick Aubameyang chuan kum thum chhung atan Emirates Stadium-ah contract a ziak leh a, a contract hlut zawng hi bonus te nen £55 million bawr vel niin an sawi. (Times)
  • Arsenal chuan transfer window inhawn chhungin player lei thar ngei an la tum hle a, Atletico Madrid leh Ghana midfielder Thomas Partey, 27 bakah Lyon leh France playmaker Houssem Aouar, 22 te chu lak luh atana an duh berte an ni. (Mirror)
  • Bayern Munich chuan English winger Callum Hudson-Odoi, 19 an ngaihven thar leh mek a, European champion team hian Chelsea hnenah an player duh hi dil hlawhtlin theih ngei an inbeisei. (Mail)
  • Barcelona chuan Lyon atanga Netherlands forward Memphis Depay, 26 an lak luh hmain an player neih sa an hralh phawt a ngaih thu an sawi. (Fox Sports Netherlands)
  • Barcelona chuan Manchester City atangin Spanish defender Eric Garcia, 19 chu nipui transfer window inhawn lai ngeia lei an tum a. He mi ti thei tur hian French centre-back pahnih Samuel Umtiti, 26 leh Jean-Clair Todibo, 20 te chu hralh phawt an tum. (Mail)
  • Juventus chuan Barcelona atanga Uruguay forward Luis Suarez lak an tumna chu bansan an duh tan tawh a, kum 33-a upa Suarez-a’n Italian passport a dilna chu a hlawhtlin har em avangin bawhzui tawh loh an duh a ni. (Goal)
  • Chelsea chuan Rennes atngin Senegal goalkeeper Edouard Mendy, 28 an la lut tep tawh. (Star)
  • Inter Milan chuan Chelsea full-back Emerson Palmieri, 26 lak luh an duh a, West Ham United chuan Italy defender Palmieri hi loan-a lak an lo tum ve mek bawk a ni. (Independent)
  • West Ham United chuan American pawl pakhatin £400 million a an club lei an dilna chu an lo hnawl. (Sun)