- Manchester United chuan Borussia Dortmund atanga Jadon Sancho, 20 an la thei dawn lo nia a lan avangin Barcelona atanga kum 23-a upa French forward Ousmane Dembele lak luh an rilruk. (ESPN)
- England winger Jadon Sancho chuan Manchester United a zawm duh a nih chuan Borussia Dortmund hnenah chhuah a dil a ngai ang. (Mirror)
- Manchester City leh Spain midfielder David Silva, 34 chuan season tawpa contract a hman zawh hunah Lazio a zawm ang. (Guardian)
- Aston Villa chuan Brentford atangin English striker Ollie Watkins, 24 lak luh an tum. (Sky Sports)
- Gareth Bale chuan kumin nipui laiin Real Madrid a chhuahsan loh hmel a. Kum 31-a upa Wales forward chuan club thar a zawn hmain kum hnih chhung chu a la nghah hmel. (Mirror)
- Arsenal chuan £25 million sengin Ajax leh Netherlands forward Quincy Promes, 28 lak luh an duh. (Sun)
- Premier League lama kai thar West Bromwich Albion, Leeds United leh Fulham te chuan kum 26-a upa Scottish winger Ryan Fraser an thlithlai mek a. Ryan Fraser hian June thla tawpah khan free transfer in Bournemouth a chhuahsan a ni. (90Min)
- Chelsea chuan kum 25-a upa French midfielder Tiemoue Bakayoko chu AC Milan hnena hralh an duh a, a man an chhiar pawh tihhniam an inhuam. (Sun)
- Chelsea chuan Italy defender Emerson Palmieri chu hralh an phal a, Inter Milan chuan kum 26-a upa Palmieri hi a ngaihven tan. (Football Insider)
- Real Madrid chuan kum 24-a upa Spanish midfielder Dani Ceballos chu Arsenal atanga an hnena a kir hunah kawl zui an tum. (AS)
- Leicester City chuan Burnley leh England winger kum 20-a upa Dwight McNeil an ngaihven. (Sky Sports)
- Leicester City leh Nigeria striker Kelechi Iheanacho, 23 chu Turkish club Fenerbahce chuan loan-a lak an dil dawn. (Fotospor)
- Fulham chuan Arsenal atangin kum 25-a upa defender Calum Chambers lei an rilruk a, English defender hi £12 million man vel a nih a rinawm. (Sun)
- Lazio striker Ciro Immobile chuan Newcastle United in a agent an bia tih sawiin, kum 30-a upa Italian striker hian Serie A club chu chhuahsan a la tum loh thu a sawi. (Corriere dello Sport)
- Sheffield United, Crystal Palace, Everton, Newcastle leh Southampton te chuan Rangers midfielder Glen Kamara an ngaihven mek a. Kum 24-a upa Finland midfielder hi Dynamo Kiev leh Dynamo Moscow te pawhin an thlithlai bawk a ni. (90Min)
- Mario Gotze chuan amah beiseitu David Beckham-a club Inter Miami chu a lo hnar a, Europe khawmualpuia khelh zui a la duh a. Kum 28-a upa Germany international a contract a hman zawh avangin Borussia Dortmund a chhuahsan a, club zawm a la nei leh rih lo a ni. (Mail)
- Liverpool chu Brazilian rawlthar Talles Magno la lut thei tura rin kai ber an ni mek a. Vasco da Gama forward kum 18-a upa hi Europe khawmualpuia club lian eng emaw zatin an ngaihven mek a ni. (Esporte News Mundo)
Football titi tawi lawr khawm
13th August 2020, 01:08AM
