- Juventus manager hlui Massimiliano Allegri chuan Manchester United a enkawl a nih chuan United defender hlui Patrice Evra chu a staff zinga telh ngei a duh a. Patrice Evra hi Turin khawpuiah Allegri hian a lo kaihruai hman a ni. (Daily Mail)
- Manchester United co-owner Kevin Glazer chuan club-a a chanpual 13% chu hralh a tum hnai. (The Sun)
- Chelsea boss hlui Maurizio Sarri chuan Italy defender Emerson Palmieri, 25 leh France midfielder N'Golo Kante, 28 te chu Stamford Bridge chhuahsan a Juventus pan turin a duh. (Daily Express)
- Maurizio Sarri chuan Tottenham midfielder Christian Eriksen chu lak luh a duh a, Juventus chuan Spurs hnenah hian French midfielder Adrien Rabiot, 24 chu Eriksen manah hian kaltir an inhuam. (Le 10 Sport)
- AC Milan chuan kum thar January thlaa transfer window a inhawn hunah Arsenal atangin Besiktas lama loan-a kal mek Egypt midfielder Mohamed Elneny, 27 chu lak an rilruk. (Gazzetta)
- Tottenham boss hlui Harry Redknapp chuan Mauricio Pochettino chu Spurs chhuahsan a Manchester United a pan a nih ngat chuan thil atthlak tak a ti dawn niin a sawi a. United dinhmun siam tha tur chuan kum tam tak a duh tawh dawn niin a sawi. (Mirror)
- Manchester United chuan kum 33-a upa Croatia striker Mario Mandzukic manah Juventus chuan £9 million an pawm an beisei. (Goal.com)
- Victor Lindelof, 25 chuan nipui transfer window inhawn laia Barcelona nen an sawi zawm chungchang vel chu eng vakah mah a ngaih loh thu a sawi a. Swedish defender hian Manchester United title lak tumna chu a dah lian ber niin a sawi. (Goal.com)
- Manchester United chuan manager Ole Gunnar Solskjaer chuan January transfer window inhawn hunah thlawp an tum thu sawiin, hetih rual hian player leina atan man to uchuak senso erawh an tum loh thu an sawi thung. (ESPN)
- Paris St-Germain chuan Brazil forward Neymar, 27 chu tha na vangin kar li chhung chu an chhawr thei dawn lo tih an puang. (Mirror)
- Manchester City boss hlui Roberto Mancini chuan Italy coach ni zui zel turin thuthlung a ziak a, Euro 2020 khel tura a tlinpui hnuah 2022 thleng Italy team enkawl zui tur hian a contract an pawt sei leh a ni. (Mail)
- Arsene Wenger chuan kum tharah hian a chanchin ziahna lehkhabu a tlangzarh dawn a, hetah hian Arsenal a enkawl lai chanchin pawh kimchang takin a ziak tel a ni. (London Evening Standard)