Arsenal midfielder Aaron Ramsey chuan rugby te angin football ah video technology awm se a duh tih a sawi. Liverpool goal awm lova an draw na match ah khan Ramsey hian goal a thuna, offside anga ngaih a nih avangin a goal thun an pawmsak ta lo a nih kha.
TV replay atanga a lan danin Ramsey kha a offside lova, Cazorla atanga pass a dawn khan Liverpool defender Martin Skrtel nen line khatah an awm a ni.
Game khelh zawhah Arsenal manager Arsene Wenger chuan assistant referee Simon Bennett-a'n thutlukna diklo a siam tiin a sawi a, a tum hnihna atan game hnih chhungin Liverpool in offside kaihhnawih atangin hlawkna an tel tih a sawi bawk. August ni 17 khan Anfield ah Benteke chuan Bournemouth lakah goal a thuna, a teammate Coutinho chu lo offside mahse goal a pawmsak a ni ta tho a ni.
International Football Association Board in February a meeting an neih tum khan video technology hman chhin tumna chu thla 12 laiin an pawt khawmuang hrih a, Fifa general secretary Jerome Valcke chuan khatih hunlai khan football a he technology hman hi thutlukna siam tura ngaihtuah ngai ber a ni tiin a lo sawi tawh bawk.