Italian club Fiorentina chuan an head coach Vincenzo Montella chu mi zahna tlachhamah puhin an ban.

Kum 40 mi Montella hian kum hnih daih contract ala nei a, Napoli leh AC Milan-te nen sawizawm niin tun season liamta khan Fiorentina hi Serie A-ah palina a nihpui.

Thuchhuah siamin Fiorentina hian coach tha leh tumruh zawk hmuh an duh thu an tarlang.

Roma leh Italy striker hlui hian kum 2012 khan Delio Rossi hmunruak hnawhkhatin Fiorentina hi a enkawl tan a, a enkawl chhung hian Serie A-ah hi palina a nihpui vek.

Montella hian kum 2011-2012 season khan Catania alo enkawl tawh a, a inkhelhlai chuan Empoli, Genoa, Sampdoria, Fulham leh Roma tan a khel a Italy tan pawh game 20 khelin goal thum a khung.