Repsol Honda team strategy fing tak chu Marc Marquez chuan Brno-ah a chhawr tangkai hle, Czech MotoGP-ah pakhatna nih phahin World Championship-ah point 14-in hma a hruai mek.
Intlansiak tan hmain ruah a sur, kawng a la huh dup a, ni erawh a sa tha. Rider tam zawk chuan wet tyre an hmang, pole atanga bul tan Marquez erawh chuan soft wet rear tyre hmangin bul a tan a, lap tir lamah a chetchhiat phah nghe nghe.
Lorenzo chuan a rawn pel vat a, Rossi pawhin a rawn pel ve leh, a hnufual tial tial. Hetih lai hian kawng a ro chak em em a, chumi chu hre ranin Repsol Honda team chuan pit stop neiin Marquez chu slick tyres an hman tir ta a.
Repson Honda an che fuh hle, Marquez a tlan chak chho zel, pit-a a luh avangin hnufual mahse midang a umna kawngah a tlanchak em em a, slick tyres hman a tha tih team dangin an hria, bike an thlak sup sup, Rossi leh Duicati team te erawh an tlan ngaiin an tlan, Rossi chuan hma hruai mahse Marquez chuan a rawn hnaih chho zel si a, slick tyres-ah a thlak ve ta nge nge.
Pit atanga a chhuah meuh chuan Rossi chu 11-na a ni a, theih tawpin um leh mahse Marquez leh Pedrosa te an fal tawh lutuk. Marquez chu pakhatna a ni a, Dani Pedrosa chuan dawtin Maverick Vinales chuan podium a chang a. Rossi chu palina a rawn ni leh phak a, Cal Crutchlow chu pangana a ni ta a ni.
Czech MotoGP result:
1. Marc Marquez (Spa/Honda) 44 mins 15.974 secs
2. Dani Pedrosa ((Spa/Honda) 44:28.412
3. Maverick Vinales (Spa/Yamaha) 44:34.109
4. Valentino Rossi (Ita/Yamaha) 44:36.440
5. Cal Crutchlow (GB/Honda) 44:36.866
6. Andrea Dovizioso (Ita/Ducati) 44:39.233
7. Danilo Petrucci (Ita/Ducati) 44:40.053
8. Aleix Espargaro (Spa/Aprilia) 44:46.533
9. Pol Espargaro (Spa/KTM) 44:46.728
10. Jonas Folger (Ger/Yamaha) 44:49.210
Championship standings:
1. Marc Marquez (Spa/Honda) 154 points
2. Maverick Vinales (Spain/Yamaha) 140
3. Andrea Dovizioso (Ita/Ducati) 133
4. Valentino Rossi (Ita/Yamaha) 132
5. Dani Pedrosa (Spa/Honda) 123
6. Johann Zarco (Fra/Yamaha) 88
7. Jonas Folger (Ger/Yamaha) 77
8. Danilo Petrucci (Ita/Ducati) 75
9. Cal Crutchlow (GB/Honda) 75
10. Jorge Lorenzo (Spa/Ducati) 66
Pictures credit : Crash.net & motoGP