Portuguese fighter Joao Carvalho chu Charlie Ward laka TKO hmanga a tlawm hnuah damdawi inah hruai a ni a, darkar 48 hnuah a hliam tuar lovin a boral ta a ni.
Tun weekend liamta khan National Boxing Stadium, Dublin-ah MMA event Total Extreme Fighting neih a ni a, Charlie Ward chuan TKO hmangin Portuguese fighter Joao Carvalho a hneh a. Match neih zawhah pawh Joao Carvalho hian harsatna a nei lo. A hnar atanga thi chhuak nasa avangin medical neihpui a ni a, hetah pawh hian engmah harsatna a nei lo.
Hetih lai hian fight an zawh atanga minute 20 velah a nawmsam loh thu a sawi a, ambulance hmangin a rang lamin Beaumont Hospital panpui nghal a ni. Damdawi inah hian a thluak zai nghal a ni a. Mahse fight zawh atanga darkar 48 hnuah Joao Carvalho chu a boral ta a ni.
Vitor Nobrega team chuan he thu lungchhiatthlak tak hi facebook page-ah an tarlang a. "Nizan khan Beaumont Hospital-ah Joao Carvalho a boral tih Nobrega Team te chuan kan rawn tarlang a ni. Inrinnia TEF-MMA event National Boxing Stadium, Dublin-a neihah khan sa himna dan zawng zawng zawh kim a ni a.
"Referee pawhin a tih tur dik tak a tih vek hnu inkhelh zawh minute 20-ah Joao Carvalho chuan a dam loh thu a sawi chhuak a. Stadium chhunga a awm lai atangin medical team-te chuan an theih tawp an chhuah a, Beaumont Hospital lamah an kalpui nghal bawk, hetah hian a thlauk zai nghal a ni a. Mahse darkar 48 hnuah a boral ta a ni," tiin Nobrega Team hian Joao Carvalho boral dan an tarlan rualin a chhungte an tawrhpui thu an tarlang chhunzawm bawk a ni. UFC fighter Corner McGregor chuan kha fight kha a hma lama tih tawp nise khatiang kha a thlen a rin loh thu a sawichhuak bawk a ni.
TEF Video: Click here