September thla hian FIFA 16 a chhuak leh mai tawh dawn, EA Sports chuan kum danga an tlangzarh hun ngaiah FIFA Game hi an tlangzarh leh dawn a, hetih lai hian kumin hi chuan tihdan dang deuh hlek an nei dawn. Chu chu a cover-a chuang tur player chu mipui duhdanin an kalpui dawn a ni.

Barcelona forward Lionel Messi chu kum dang an bawkin main cover-ah a la chuang zel dawn thova, UK-a tihchhuah tur bikah erawh mipui duh ber an chuan tir dawn a ni. Nikum lamah Wayne Rooney, Gareth Bale leh Lionel Messi te FIFA 15 cover-ah an chuang a, ram hrang hrangah player chuang an ti danglam deuh hlek hlek bawk.

Xbox leh PlayStation Gamer te chuan FIFA 16-a chuang tur an thlan tur zingah hian EA chuan player 4 an chhawp chhuak a, EA Sports spokesman chuan,"Sergio Aguero, Jordan Henderson, Thibaut Courtois, leh Harry Kane te chu Lionel Messi ang bawkin UK lam cover-a chuang turin an inel dawn a ni," tiin a sawi.

Vote hi June ni 16 atang hian Easports.com -ah a thlak tan theih dawn a, July ni 5 thleng vote a thlak theih ang.