Tang tak taka kan khelh dawn chuan Real Madrid emaw Barcelona emaw kan thlang ngei ngei, team tha ber pahnih an nih avangin. Chutih laiin kan hman thiam dan azirin khawi zawk nge team tha tih erawh mimal tinin ngaihdan kan nei vek ang.
September thla hian FIFA 16 a chhuak leh tawh mai dawn, FIFA 15 kan khel tan ek ek emaw kan tih laiin 16 a rawn chhuak leh dawn ta chu a ni a, FIFA 16-a Real Madrid player te ratings hi tarlang hmasa phawt ila, hun remchangah Barcelona ratings kan tarlang leh dawn nia.
Marcelo (82)
Brazilian full-back Marcelo hian season liamta La Liga-ah khan assists vawi 9 lai a nei thei. Kum 27 mi hian hma a sawn lo nge FIFA 15-a rate an pek ngai 82 bawk FIFA 16-ah pek a ni leh.
Pepe (83)
Season liamta khan Madrid hian clean sheets vawi 17 lai an nei mahse defender Pepe pawh hian hma a sawn lem lo tih a lang, FIFA 15-a rating ngai pek a ni leh.
Casillas (84)
Porto chuan he Spanish goalkeeper hi la tawh mahse la telh ve hrim hrim ang, ani pawh hi rating ngai 84 pek a ni leh.
Benzema (86)
Mesut Ozil-a'n 'Striker tawrawt' a tih ngei mai Karim Benzema chuan hma a sawn, FIFA 15-ah 85 pek a ni a, FIFA 16-ah erawh 86 pek a ni ta. Frenchman hian season liamta kan Los Blancos tan game 47 atangin goal 22 a khung a, assists vawi 15 lai a nei bawk.
Kroos (87)
Alonso hmunruak a luah khat zo chiah em ? tih chu chhan harsa tak ni mahse he midfielder tha hian 87 hi chu a phu hliah hliah a ni.
Bale (87)
Season hmasa phak lo mahse Bale chu rating sang zawkah hlankai a ni ta thova, FIFA 15-ah khan 86 pek a ni a, FIFA 16-ah erawh 87 a ni dawn ta. Welshman hian season liamta khan Los Blancos tan game 48 atangin goal 17 a khung bakah assists vawi 12 a nei bawk.
Ramos (87)
Real Madrid chhuahsan chak nia media ten an sawi Ramos chuan season liamta khan clean sheets vawi 17 nei mahse rating ngaiah an thut tir leh ta a ni.
Modric (88)
Inhliam vangin season liamta khan khel tam thei lo mahse Luka Modric chu ratings 88 pek a ni ta thova, ani pawh hian hma a sawn hret a ni. Barcelona forward Suarez erawh a phak lo chiah a, Suarez chu 89 pek a ni.
Ronaldo (93)
Ballon d'Or winner Ronaldo hi Real Madrid player-ah rate pek san ber a ni a, 93 a nih laiin Barcelona forward Lionel Messi chu Ronaldo hian a phak lo chiah chiah a, Messi hi 94 pek a ni. Season liamta khan Ronaldo hian game 58 atangin goal 61 a neih bakah assists vawi 22 lai a nei a, FIFA 15-ah khan 92 pek a ni a, FIFA 16-ah hma a sawn hret a ni.
James (87)
Bernabeu-ah season hlawhtling tak a hmang a, James Rodriguez hian Los Blancos tan game 48 atangin goal 17 a khung bakah assists vawi 18 lai a nei a ni.
source : purelyfootball.com