Dutch club Feyenoord chuan season chawhnu lama inbuatsaih nan tiin Albufeira, Portugal-ah winter training an nei a, he hmunah hian an player pahnih Miquel Nelom leh Tonny Vilhena-te chu thelh ngai khawpin an intibuai a ni.
Miquel Nelom leh Tonny Vilhena-te hian thununna an tawh ngei a rinawm a, an training lai hi chiang takin thla an lo laksak bawk nen, kut thawh mai an duhtawk lo, an inpet bawk a, player dangte leh manager Giovanni van Bronckhorst-te chuan an pawt then thei hram a ni.
Buaina chhuah chhan nia Mirror-in a tarlan dan chuan Nelom-a'n an practice laia a hmachhawn danah Vilhena hi a lawm lo hle a, an buai chhunzawm ta a ni.
Kum 21 mi Vilhena hi player naupang hmabak nei tha tak a ni a, thla 12 liamta khan English club Southampton chuan lakchhuah an lo tum tawh nghe nghe a ni. Kum 25 mi defender Nelom pawh hi Feyenoord tana player tangkai tak a ni a, 2011 khan Rotterdam khaw club hi a zawm a, Feynoord tan game 100 chuang a khel tawh a ni.
pictures credit : Hollandse Hoogte/REX