Indian Wells final-ah Dominic Thiem chuan Roger Federer-a lakah set hmasa ber a hloh hnuin a lehthala, Thiem hi 3-6, 6-3, 7-5 in a chaka, a champion.
Federer hi Indian Wells-ah vawi nga champion tawhin, a title vawirukna beisei hle mahse Thiem a lakah a dingchang zo lo.
Indian Wells-a a champion takah chuan Federer hnehtu Thiem hi world ranking thar tih chhuah turah palinaah a chho dawn.
Federer hi nikum pawh khan Indian Wells final-ah hian a lo chak lo tawha, Juan Martin del Potro lakah a lo tlawm tawh.
Final lut tur hian Thiem hian semi-final ah Milos Rainic chu 7-6 (7-3), 6-7 (3-7), 6-4 in a hneha, Federer erawhin semi final a khel lo.
Federer hian semi final-ah Rafael Nadal hmachhawn tur a ni a, mahse Nadal hian quarter final a khelh tumin a khup a tihnat avangin a inhnukdawk. Federer hi Thiem aiin khel tlem zawk mahse hnehna a chang thei lova, a kum a lo utam ve tawh nen, a taksa lamin tun hma a phak tawh lo hle a ni tih a ti lang.
Indian Wells khelh hma lawk hian Federer chuan a ATP title za na chu Dubai-ah a lo la tawh a, Indian Wells-a a tlawm takah chuan world ranking thar tih chhuah turah palina atangin panganaah a tla thla ang.