03 Nov 2020 10:15

bakteaJr.

Mizo tlangval

Federer chawlh a la tum lo

Tennis player ropui Roger Federer chuan kum 39 lai ni tawh mahse chawlh a la tum loh thu a sawia, nakkuma rawn kir ngei tura hma a lak mek thu a sawi.

Swiss player hian August thla khan kum 39 a tlinga, a khup hmun hniha zai a nih avangin a inkhel thei lo renga mahse chawlh mai erawh a la tum lo hle.

Ferderer-a inkhelh hnuhnun ber hi kum January thla kha a ni a, Australian Open semi-final a Novak Djokovic a hneh loh hnuah a la inlan leh lo.

Chawlh a tum leh tum loh chungchang zawhna chhangin, “Chawlh ka la tum hauh lova, kar hmasa lawk pawh khan training ka nei. January thla tir lamah court-ah ka luh leh theih ka inbeisei.

“Rawn kir leh turin ka bei meka, court-ah luh leh ka duha, tennis legend te nena inkhelha, player tha ber berte hmachhawn leh ka duh. Hun rei vak lo chu la inkhel thei ka niin ka hria a, ka dam chaka, nitin chuan hma sawn em lo mah ila kar tin hma ka sawn zel a ni,” a ti.

World no.4 chuan sawi zelin, “Switzerland hi nuam ka tia, inah kar ruk chuang hun ka hman hnuhnun ber chu kum 16 mi ka nih lai daih tawh kha a ni. Ka hahdama, ka tan chauh ni lovin, ka fate pawh an hahdam. Ka mut tlai thin avangin ka duh duh hunah ka mu zal thei tawha, min kap tu tur a awm rih lo a ni,” a ti bawk a ni.