Rafael Nadal-a patea Toni Nadal chuan Roger Federer chu Grand Slam chawi leh tura a beisei tawh loh thu a sawi.
Kum 37 mi Federer leh kum 32 mi Rafael Nadal-te chuan tun kum 14 liamta chhungin Grand Slam tournament-ah ro an rel a ni ber a, anni bakah hian kum 31 Novak Djokovic pawh an huangah a dah theih awm e.
Hetiang tak hi ni mahse Nadal-a patea leh a coach hlui ni bawk Toni Nadal chuan, “Federer hian Grand Slam trophy dang a chawi leh hi a rinawm tawh lo hle. A game khelh dan ka sawi tel lova, mahse set nga khelh hautak zia avang zawkin a chawi ka ring tawh lo.
“Mahse tum dangah pawh hetiang hian ka lo tawng tawh thin a, Swiss pachal hian min la barakhaih zel chu a ni,” a ti.
Federe leh Nadal-te chu kumin chhungah world no.1 an ni ve ve a, mahse Djokovic chuan Wimbledon leh US Open a lak hnuah kum 2018 chu world no.1 ni chungin a khar dawn.
Kumin ATP Finals tawp ber London-a neihah Nadal a inhnukdawk a, Federer emaw Djokovic an champion mai a rinawm laiin, kum 21 mi Alexander Zverev chuan Federer chu semi final-ah hnehin, final-ah Djokovic hneh leh bawkin a champion a ni.