Indian Super League (ISL) club FC Pune City chuan an manager thar ni turin England midfielder hlui kum 48 mi David Platt an ruat.

Kum 1990-a PFA Players' Player of the Year-a thlan Platt hian Sampdoria, Nottingham Forest leh England Under-21 alo enkawl tawh thin a, coaching lama a inrawlh hnuhnun berna chu Manchester City niin kum 2013 khan a chhuahsan.

A vanglai chuan Aston Villa, Arsenal, Juventus, Sampdoria, Bari, Nottingham Forest leh Crewe Alexandra-ahte a khel thin a, England tan pawh game 62 a khelin goal 27 a khung.

FC Pune City-ah hian Juventus striker hlui David Trezeguet pawh a awm a, season hmasa berah khan pasarihna an ni.

ISL season awm leh tur chu October thlaah khelh tan a ni dawn a, Mumbai City FC pawhin an manager atan England midfielder hlui tho Peter Reid an chhawr mek a ISL-ah hian khawvel hriat player tha thin an ther fur bawk a ni.