Belarusian club Dinamo Brest chuan an club president atan Argentine legend Diego Maradona an la lut a, kum 57 mi hian kum thum daih contract a ziak a ni.

(adsbygoogle = window.adsbygoogle || []).push({});

Argentina forward hlui hian United Arab Emirates, second division-a khel mek 'Al Fujairah coach' a nihna chu bansanin he hna - 'Dinamo Brest president' hi a thawk dawn ta a ni.

"Aw, kan zingah a thawk tawh dawn," tiin Dinamo Brest chuan Twitter-ah an tarlang.

Club thuchhuah chuan: "Legendary football player Diego Armando Maradona chuan club-ah kum thum daih contract a ziak a, club board-ah chairman a ni dawn a ni," tiin an tarlang.

Maradona chuan a instagram page-ah contract a sign lai thlalak a tarlang a, caption-ah: "Contract ka sign ta. Dinamo Brest president ka ni. Min rin avangin lawmthu ka sawi e," tiin a ziak bawk.

Maradona enkawl tur club hi Belarus Premier League-ah pariatna an ni mek a, match 7 an khel tawh. Pakhatnaa awm BATE Borisov chu point 12-in an pha lo mek a ni.

Tin, tun Pathianni lo awm turah hian Belarusian Cup final khelh a ni dawn a, Maradona leh a pawlte hian BATE hi an hmachhawn ang. He cup-ah hian Maradona club thar te hi champion lai an ni nghe nghe a ni.