01 Jun 2015 05:33

Zaua NicoGaitan

Falcao Chelsea ah a lut dawn?

Chelsea chuan Manchester United duhloh Radamel Falcao chu lakluh tum in hma an la mek niin Daily Mirror chuan an tarlang.

Monaco atanga loan a United in an hawh Falcao hi United tan season a hman thatloh em avangin Man Utd hian contract pangai an ziahpui duh ta lova, hetih lai hian Monaco lam pawhin hlawh sang tak Falcao hi sum lama an ziaawm deuh theih nan hralh an duh bawk niin a lang.

Falcao leh Chelsea te hian indawrna an nei mek ni a sawi a ni a, Monaco in Falcao hi karkhat ah £265,000 lai an pek thin avangin Chelsea ah Falcao hian bul tan that leh a duh a nih chuan a hlawh hi nasa taka tih hniam a nih a rinawm.

Chelsea hian striker tha Diego Costa leh Loic Remy te nei mahse Falcao-a hian ngai a rawn awh leh thei a nih chuan khawvela striker tha ber a rawn ni leh thei dawn tih hria in Jose Mourinho hian risk a lak mai a rinawm hle a, hetihlai hian Chelsea hian Aston Villa atangin Christian Benteke pawh lakluh an tum mek ni a sawi a ni bawk a ni.