FA Cup final: Arsenal v Aston Villa

30th May 2015, 05:05AM

Venue: Wembley Stadium
Time: Saturday 10:00 PM

TEAM NEWS
Danny Welbeck chu a khup hliamin a la tihbuai chhunzawm zel avangin FA Cup final ah a inlan thei dawn ta lo. Hliam in a lo tihbuai tawhte Alex Oxlade-Chamberlain, Mathieu Debuchy leh captain Mikel Arteta te erawhin training an zawm leh tawh avangin zanin hian final ah an inlan thei maithei.

Shay Given pawh Villa si ban nghak turin a dam fel ve tawha, Aly Cissokho, Kieran Richardson leh Jores Okore te pawhin training zawm tawhin Claran Clark erawhin final ah a hmel a lan thei dawn ta lo a ni.

Season hmasa final ah khan Arsenal hian Hull City chu 3-2 in an hneha, chakna goal hi extra time a Ramsey thun a ni nghe nghe. Kum 15 hnua Villa in Cup final an khelh leh hmasakna ber tur a ni a, Villa chhuahsan hnaia sawi ni mek Christian Benteke Villa in an chhawr theih hnuhnung ber a ni maithei bawk. Sherwood erawhin Benteke a chelh theih a rin thu a la sawi fana, semi-final a Liverpool ngam em em tu rawlthar Jack Grealish pawh club ah chelh chhunzawm theih zel a inbeisei.

Tawi nawi
- FA Cup-a an vawi sawm inhmachhawnna tur a ni a, Arsenal vawi sarih chak tawhin Villa vawi thum an chak ve tawh bawk.
- FA Cup final a an inhmachhawn hmasakna ber tur a ni.
- He inelna a champion lai chu Arsenal an ni a, tum 11 he nomawi hi an la chawi tawh a, Man Utd nen chawi tam ber an ni mek.
- Arsenal in FA Cup final vawi 19 an thlenna a ni ta bawk.
- 2000 khan Villa hian final ah Chelsea an lo hneh lo tawh a ni.

Copyright © inkhel.com 2024. All rights reserved.