29 Aug 2019 03:17

bakteaJr.

Mizo tlangval

​F1 season tharah race 22 a awm dawn

Kum 2020 Formula 1 season-ah race 22 lai a awm dawn a, hei hi F1 chanchina race tam ber tum a ni dawn.

Vawiin khan F1 chuan season thara an calendar an dahchhuaka, race thar pahnih awmin, Netherlands leh Vietnam-te'n an belh a ni.

Kumin khan race 21 a awm a, mahse Germany chu nakkumah awm tawh dawn lovin, pahnihin an belh leh anga race 22 chiah a ni ang.

Season thar hi nakkum 2020 March ni 15-ah tan ni anga, Australia-ah khuhhawn ni dawnin, November ni 29-ah Abu Dhabi-a khar a ni ang. British Grand Prix chu July ni 19-ah neih a ni anga, kumina an neih hun aiin kar khatin a tlai dawn.

Vietnam-ah hian F1 race a vawi khat nan neih a ni dawm a, April ni ngaah ni dawnin, Netherlands erawh hi chuan a hma in an lo thleng tawh thin a, kum eng emaw zah hnuah thleng leh dawnin Zandvoort-ah May ni 3-a neih a ni ang.

Grand Prix calendar 2022

Australia (15 March), Bahrain (22 March), Vietnam (5 April), China (9 April), Netherlands (3 May), Spain (10 May), Monaco (24 May), Azerbaijan (7 June), Canada (14 June), France (28 June), Austria (5 July), Great Britain (19 July), Hungary (2 August), Belgium (30 August), Italy (6 September), Singapore (20 September), Russia (27 September), Japan (11 October), US (25 October) ,Mexico (1 November), Brazil (15 November), Abu Dhabi (29 November)