Formula 1 chuan season tharah intlansiak vawi 24 an nei dawn. Intihsiakna a tam chhan hi tlankawng pathum a awm belh dawn vang a ni a, French Grand Prix erawh an chhunzawm dawn lo. Nakkum atang hian a vawikhat nan Las Vegas-ah intlansiak a awm dawn a, hunrei vak lo an chawlhsan hnuah Qatar GP leh China GP an tuaithar leh dawn bawk.

Season thar hi Bahrain Grand Prix hmangin an hawng dawn a, Vau thla ni nga atangin an tlan tan ang. Abu Dhabi-ah season kharna neih ani ang a, Sahmulphah thla ni 26-ah an zo fel ang.

Las Vegas hian Abu Dhabi hma chiahah intlansiak an thleng dawn a, kum thum chhung an chawlhsan tawh China-in Tau thla ni 16 an chang ve bawk. China hian an ti hlawhtling thei dawn em tih hriat a ni rih lo a, hri leng vanga an buai mek avangin an dinhmun a chiang thei lo.

Monaco leh Belgium pawhin intihsiakna an thleng veleh dawn a, Belgium hian season khat daih chiah contract an nei tawh thung.

Monaco hian 2025 thleng daih tur inremna an ziak thar a, British Grand Prix pawh Vawkhniahzawn thlaah an tlan ang. Formula One calendar hi Thawhlehni khan FIA chuan an pawmpui a, an kalpui dan tur chiang takin an sawilang rih lo.

Season thar hi Formula One chanchina intlansiak a tam berna tur ani a, thawm nei lian ve tak South Africa erawh an lang pha ta lo a ni.