Nimin Sunday khan tun season atan Formula One race hmasa ber tlan a ni a, Austian Grand Prix-ah Mercedes driver Valtteri Bottas a chungnung ber.

Austrian GP-ah hian rin loh tak maiin McLaren driver kum 20 mi lek Lando Norris chu pathumna niin, Bottas leh Charles Leclerc te bulah podium a luah thei.

Norris hi F1 Grand Prix chanchinah podium luah thei naupang ber pathumna a ni a, Lance Stroll leh Max Verstappen te chiah Norris aia podium luah thei hi F1 Grand Prix chanchinah an la awm.

Norris hi British mi zingah podium luah thei naupang ber a ni a, champion lai Lewis Hamilton ai pawhin Austrian GP-ah hian a dinhmun a sang zawk.

Norris chuan pathumna a nih chungchang sawiin, “Ka hamhaiha, sawi tur pawh ka hre lo a ni ber. Kan tlan lai khan ka che sual mai dawn emaw tih lai ka nei leh zeuh thin. Team tana hei aia tha hi a awm thei rih chuang lova, tunah phei chuan hun khirh tak kan tawng mek a ni. Social distancing kalpui ngaiin, mask te vuah ngai mahse kan lawm ngei ang,” a ti.