05 Sep 2019 08:57

bakteaJr.

Mizo tlangval

​F1 leh Italian GP-in contract thar an ziak

Formula One chuan Italian Grand Prix nena an contract neih lai chu pawtseiin, kum 2024 kum tawp thleng tal chu Italian GP hian F1 race a la thleng dawn a ni.

Nilaini khan Milan khawpuiah he contract thar hi ziah a ni a, tun Sunday-a tlan tur Italian GP kum 90 lawmna ni pahfawmin hun hman a ni.

Italian GP hian F1 race 68 lai a lo thleng tawh a, Italian GP aia race thleng hnem hi a dang an awm lo.

Kum 1950 atang khan Italian GP leh British GP-te chiahin kum tin F1 hi an la thlenga, Italy GP hian kum 1921 daih tawh khan a Grand Prix hmasa ber a lo thleng tawh nghe nghe.

Nakkumah hian F1-ah race 22 lai a awm tawh dawn a, hei hi F1 chanchina race tam ber tur tum a ni a, kumin hian race 21 a awm. Nakkumah hian Dutch Grand Prix chu kum 1985 hnuah kan hmu leh dawn a, a vawi khat nan Vietnam capital Hanoi chuan Grand Prix thleng dawn bawkin, German GP a awm tawh dawn lo thung a ni.