29 Jun 2019 09:19

inkhel

F1 Austrian Grand Prix pole position changtu Charles Leclerc

Pathiannia Formula One Austrian Grand Prix tlan turah Charles Leclerc chu a ding hma ber dawn a, Lewis Hamilton chu a hnung chiahah a ding dawn bawk a ni.

Inrinniah qualifying an tlan a, hetah hian Ferrari driver pakhat zawk Charles Leclerc chuan 1:03.003 hun a hmang a, championship hmahruaitu ni mek, Mercedes driver Lewis Hamilton aiin second 0.259 in a tlan chak hret a, pole position a chang thei a ni.

Red Bull driver Max Verstappen chu qualifying-ah hian tlan chak lama pathumna a ni a, a hnungah hian Mercedes driver pakhat zawk Valtteri Bottas chu a awm dawn a, Haas F1 driver Kevin Magnussen chu panganaah a awm ang.

McLaren driver Landro Norris chu paruknaah a awm dawn a, Alfa Romeo Racing driver Kimi Raikkonen chu pasarihnaah a awm dawn a. Raikkonen-a teammate Antonio Giovinazzi chu pariatnaah awmin, a hnungah hian Red Bull driver Pierre Gasly leh Ferrari driver pakhat zawk Sebastian Vettel te chu an awm bawk a ni.

Leclerc hian Formula One a luhchilh hnua pole position a chan vawi hnihna a ni a, tun season tir lam, vawi hnih intlansiakna, Bahrain Grand Prix-ah khan pole position hi a lo chang tawh bawk a ni.

Naktuk zan dar 6:40 hian Red Bull Ring-ah an intlansiak tan dawn a, India ramah chuan Star Sports Select 2 (SD/HD) atangin an intlansiak hi a en theih ang.

Qualifying Result

1. Charles Leclerc (Mon) Ferrari 1min 03.003secs
2. Lewis Hamilton (Gbr) Mercedes GP 1:03.262
3. Max Verstappen (Ned) Red Bull 1:03.439
4. Valtteri Bottas (Fin) Mercedes GP 1:03.537
5. Kevin Magnussen (Den) Haas F1 1:04.072
6. Lando Norris (Gbr) McLaren 1:04.099
7. Kimi Raikkonen (Fin) Alfa Romeo Racing 1:04.166
8. Antonio Giovinazzi (Ita) Alfa Romeo Racing 1:04.179
9. Pierre Gasly (Fra) Red Bull 1:04.199
10. Sebastian Vettel (Ger) Ferrari No Time Set
11. Romain Grosjean (Fra) Haas F1 1:04.490
12. Nico Hulkenberg (Ger) Renault 1:04.516
13. Alexander Albon (Tha) Scuderia Toro Rosso 1:04.665
14. Daniel Ricciardo (Aus) Renault 1:04.790
15. Carlos Sainz (Spa) McLaren 1:13.601
16. Sergio Perez (Mex) Racing Point 1:04.789
17. Lance Stroll (Can) Racing Point 1:04.832
18. Daniil Kvyat (Rus) Scuderia Toro Rosso 1:05.324
19. George Russell (Gbr) Williams 1:05.904
20. Robert Kubica (Pol) Williams 1:06.206