F1: 70th Anniversary GP-ah Verstappen a chungnung ber
70th Anniversary Grand Prix chu England-a Silverstone Circuit-a tlan a ni a, hetah hian Red Bull driver Mx Verstappen chu pakhatna a ni.
Verstappen hian kumin 2020 chhunga Mercedes rorelna titawpin, 2020 chhunga Mercedes driver nilo, race-a chak thei hmasa ber leh awmchhun a ni.
He Grand Prix tlan zawh tak hi a hmuhnawm hle a, Mercedes driver pahnih Lewis Hamilton leh Valtteri Bottas-te leh Verstappen inum a hmuhnawm miah miah hle.
Verstappen-a chak chhan hi a tyre hman fuh vang a tih loh theih lova, ani chiah hi top 10 zingah hard tyre bul tan nana hmang a awma, a tisual lo hle.
Verstappen hi grid-ah palinaah awmin, Mercedes driver pahnih ten grid hmasa ber pahnih an luaha, Bottas chu hmasa ber in, Hamilton-a’n a dawta, Racing Point driver Hulkenberg chu pathumnaah a awm.
Verstappen hian an tlan tan chiah tihin Hulkenberg a lehpel nghala, Mercedes car dum pahnih a tir atangin a um nghal. Mercedes-te hian tyre nem zawk medium tyre hmangin bul an tana, lap 10 chho a nih chuan an buai tan.
Bottas hi lap 13-naah pit-ah a lut a, Hamilton hi lap 14-naah lut ve thungin, hard tyre-ah an ke hman an thlaka, mahse an tifuh thei laklawh a ni ber.
Mercedes lam tyre-a an buai laiin ke la thlak ve lo Verstappen chuan Bottas a lehpel a, lap 26-naah medium tyre-a inthlak turin pit-ah a lut ve ta chauh. A chawlh laiin hian Verstappen hi Bottas chuan lehpel mahse Verstappen hian Mercedes driver hi a lehpel leh thuaia, lap ruk hnuah Verstappen hi chawl lehin, hard tyre-ah a ke a thlak leha, hetah hian Bottas chuan a zui lut ve ta thung.
Hamilton chuan hma a hruai chhunzawm zela, a tyre chhe tawh viau mahse Verstappen leh Bottas te aiin second 10 vel laiin a fal thei.
Hamilton hi Lap 42-naah pit-in a rawn chhuah hnuah a palinaah a awma, a hmaah Verstappen, Bottas leh Charles Leclerc te an awm. Hamilton hian Leclerc lehpelh zui deuh nghal maiin, Brooklands corner-ah lap hnih chiah a awm tawh tihin a team mate Bottas a lehpel leha, Vertsappen erawh lehpel hman ta lovin, Verstappen hi a vawi 9 nan Grand Prix-ah a chak ta a ni.
70th Anniversary Grand Prix result:
