The International Dota 2 Championship 2015 chu KeyArena, Seattle-ah tukin khan zawh fel a ni ta a, Grand Final-ah Evil Geniuses chuan 3-1 in China team CDEC Gaming an hneh a, a vawi khat nan USA chu The International-ah an champion ve ta a ni.
Champion lai Newbee leh team tha thin Navi te round tir lamah an tla nghal a, Wild card atanga final lut CDEC Gaming te an che ropui hle a, final an luh theih nan hian upper bracket-ah Evil Geniuses 2-0 in an hneh a, Inrini zing khan Grand Final an lut tawh. Nikuma pathumna Evil Geniuses chuan lower bracket atangin 2-0 a LGD Gaming hnehin Grand Final an lut ve leh ta a.
Grand Final hi best of 5-a khelh niin, EG hian an lo hneh loh tawh CDEC Gaming chu Grand Final-ah 3-1 in an hneh ta a ni. Kum dang aiin final match hi a hmuhnawm a, kum dangah chuan Grand Final match a HOT lo thin, reilote an khelh hnuah champion tur a hriat chian nghal vek thin. Kuminah erawh sawi lawk theih a ni lo, team hnihte an inkhing tawk hle, mipuite tan pawh en a manhla hle, CDEC Gaming chuan theih tawpin nawr mahse champion pakhat chiah awm a ngai si a, EG an champion ta a ni.
Main Event hi August ni 3 atanga neih tan a ni a, ticket hi minute 10 chhung lekin E-Sports Fans ten an lei zo nghal vek. Valve in a buatsaih, khawvela ESports Tournament lian berah hian Prize pool $18,416,970 ngawt mai a ni a, Pakhatna EG hian $6,616,014 (INR 421,687,946.48) an hlawh a, Pahnihna CDEC Gaming chuan $2,854,630 an hlawh a, pathumna LGD Gaming te chuan 2,210,036 an hlawh bawk a ni.
Evil Geniuses Team - FearClinton Loomis, Suma1LSyed Sumail Hassan, UNiVeRsESaahil Arora, Aui_2000Kurtis Ling, ppdPeter Dager.
Pakistan naupang kum 15 mi lek Suma1L hi teenager pawh ni mahse tunah chuan a hausa ta rem rem hle mai, he naupang hi a game khelh thiam avangin khawvel hriat a ni tawh a, kumina The International-ah ngei EG a champion pui leh tak chiah atang hi chuan khawvelin tunge a nih an hre chiang leh zual ta. A rang a, a fing bawk a, thutlukna tha tak tak a siam thiam. Thinchhe hle mahse a puitling chho zel a, Kumin chhung ngawt pawhin Dota Pit League Season 3 leh Dota 2 Asia Championships-ah te Evil Geniuses a lo champion pui tawh a ni.
Team te sum hlawh dan hetiang hian :
1st. United States Evil Geniuses ($6,616,014)
2nd. China CDEC Gaming ($2,848,562)
3rd. China LGD Gaming ($2,205,338)
4th. China Vici Gaming ($1,562,114)
5th. Russia Virtus Pro ($1,182,011)
6th. China EHOME ($1,182,011)
7th. Europe Team Secret ($818,316)
8th. South Korea MVP Phoenix ($818,316)
9th. United States compLexity Gaming ($218,217)
10th. Europe Cloud9 ($218,217)
11th. Russia Team Empire ($218,217)
12th. China Invictus Gaming ($218,217)
13th. China NewBee ($54,554)
14th. Malaysia Fnatic ($54,554)
15th. Ukraine Natus Vincere ($54,554)
16th. South Korea MVP.HOT6ix ($54,554)
A tawp ber 16-na pawh hi an la hlawh tha rem rem hle mai, India pawisa chuan INR 35,21,558.56 a la ni hem mai. The International-ah hian Asia leh Europe lam an che tha thin a, kumin hi America ram champion vawi khatna a ni a, TI buatsaih a nih atanga top 3 hetiang hian :
The International 2011
1. Natus Vincere (Ukraine) $1,000,000
2. EHOME (China) $250,000
3. Scythe Gaming (Singapore) $150,000
The International 2012
1. Invictus Gaming (China) $1,000,000
2. Natus Vincere (Ukraine) $250,000
3. LGD Gaming (China) $150,000
The International 2013
1. Alliance (Sweden) $1,437,190
2. Natus Vincere (Ukraine) $632,364
3. Orange Esports (Malaysia) $287,438
The International 2014
1. Newbee (China) $5,028,308
2. Vici Gaming (China) $1,475,699
3. Evil Geniuses (USA) $1,038,455
The International 2015
1. Evil Geniuses (USA) $6,616,014
2. CDEC Gaming (China) $2,848,562
3. LGD Gaming (China) $2,205,338