Everton chuan France leh AS Monaco fullback Djibril Sidibe chu tun season lo awm tur chhung atan loan-in an lalut dawn a, inremna an nei tawh tih Sky Sports chuan a tarlang.

Everton hian Sidibe hi 2019-20 season chhung loan-in an kawl anga, an duh chuan nakkum nipuiah an lei thei bawk dawn niin tarlan a ni a, vawiin hian Sidibe hian Goodison Park-ah medical a neih a rinawm.

Everton hian an right-back pakhat Jonjoe Kenny chu Schalke lamah loan-a an chhuah tir tawh avangin right-back a hman tur Seamus Coleman chiah an kawl tawha, French right-back Sidibe hi Coleman elpui turin an lalut fel tep.

Sidibe hi a versatile hle a, defence line-ah khawiah pawh a khel thei. Premier League club dang West Ham, Crystal Palace leh Newcastle-te pawhin Sidibe hi duh mahse Goodison Park-ah a lut dawn.

Kum 27 mi Sidibe hian kum 2016 khan French club Lille atangin Monaco hi a zawma, Monaco tan hian competition hrang hrangah vawi 114 a inlan tawh.

Sidibe hi Monaco-ah a che tha hle a, Monaco-in Champions League semi-final an luh hnuhnung ber pawh khan an player pawimawh niin France pawhin an ko fo. Nikum World Cup khan Sidibe hi France squad-ah a tel a, mahse Benjamin Pavard a nek chhuah zawh loh avangin tum angin a khel tam lo a ni.