Everton chuan Real Madrid left-back Sergio Reguilon chu an dawr tan ve ta a, a man atan hian pound maktaduai 18 an thehchhuak.

Reguilon hi La Liga season hman zawh takah Sevilla lamah loan-in a khel a, khel tha hle in, La Liga left-back tha bera thlan a ni nghe nghe a, club dang pawhin an ngaihven nasa hle nia sawi a ni.

Kum 23 mi hi Everton chuan an left-back Leighton Baines inkhelh chawlhsan ta hmun ruak hnawhkhat turin an duh nia sawi a ni a, Lucas Digne nen defence veilama inel tir an tum niin a lang.

Reguilon hi tha viau mahse Real Madrid hian left back an nei tha sa rih hle a, kum 32 mi Marcelo a awm bakah Ferland Mendy a la awm bawka, sum tuak nan Reguilon hi an hralh mai a rinawm niin chanchinbu mite chuan an sawi.

Sevilla chuan Reguilon hi season tharah pawh loan-a la kawl duh viau mahse, a khelh that em avangin club lianin an lei mai a rinawm viaua, Everton bakah hian Premier League club pathumin Spaniard left-back hi an ngaihven chanchinbu mite chuan an sawi bawk a ni.