Chelsea defender hlui Branislav Ivanovic chu Premier League lamah a kir leh ngei dawn niin a langa, Everton-a zawm dawn niin a insawi.
Serbian defender hian kum 2017 khan Chelsea chhuahsanin Russian club Zenit St Petersburg a zawma, tunah hian free agent a ni meka, Everton sawmna a pawm dawn niin a lang.
Tuna Everton manager hi Chelsea manager hlui Carlo Ancelotti a ni a, Ancelotti leh Ivanovic-te hi Chelsea-ah awm dun hmanin, Italian manager hian kum 36 mi Ivanovic hi thawhpui leh a duh.
Luis Suarez-a ei bang Ivanovic chuan, “Ka career hi Everton-ah ka chhunzawm hmel bera, an ni lak atang hian offer ka hmu tha a, eng nge thleng tur chu a lo lang thuai ang,” a ti.
Ivanovic hi Red Star Belgrade lam pawhin an duh nia sawi a ni a, mahse a lo hrawn tawh thin Ancelotti-a awmna lam Goodison Park-ah a input luh ngei a rinawm ta zawk a ni.
Red Star nena sawizawm a nih chungchanga zawhna chhangin Ivanovic chuan, “Tun thleng chuan Red Star atang hian dawrna ka la dawng lova, min dawr a nih erawh chuan ka ngaituah ngei ang. Mahse tunah chuan min dawr miau loh avangin Belgrade-a luh lam ka ngaihtuah a ngai lo a ni,” a ti.
Ivanovic hian kum 2008 khan Lokomotiv Moscow atangin Chelsea a zawma, London club tan hian Premier League game 250 chuang khelin, Ancelotti nen hian Premier League title an la dun hman nghe nghe a ni.