16 Oct 2020 08:10

bakteaJr.

Mizo tlangval

​Everton hi an tha hlein ka hria: Klopp

Liverpool manager Jurgen Klopp chuan Inrinni tlaia an hmachhawn tur Everton chu team tha tak an nia a hriat thu a sawia, challenger tha tak a nih ngei a ring bawk.

Everton hi tun season-a team che tha ber an ni meka, khelh lia la chak vek awmchhun niin, Premier League table-ah pawh a chung berah an awm.

Liverpool hi an Premier League game hnuhnung berah an che fuh lo hlea, Aston Villa lakah 7-2 ngawtin an tlawma, Merseyside derby-ah an tho kang nge tho kang lo a lang dawn.

Klopp chuan an hmachhawn tur Everton chungchang sawiin, “Bazar-ah an che tha a, Carlo Ancelotti hi manager tha tak a ni bawk. Carlo hian siam lenna hun a neiha, insiam lenna tur sum a neih bawk chuan team tha tak a din thei dawn tih a hriat sa a, chu chu a ti ngei bawk.

“An team hi an tha hlein ka hriaa, an chungchangah hian thil danglam sawi pawh chak mah ila, an that miau avangin thil dang a leng lo. Challenger tha tak kan tan an ni dawna, bazar lai khan team thenkhat che tha tak tak an awma, an vai hian hma an sawn ngei dawn. Chu chu kan hria a, chuvang chuan game tin atan hian kan inpeih a ngai a ni,” a ti.