Spanish winger Gerard Deulofeu chu alo khelh tawhna thin Everton chuan Barcelona atangin laklet an tum mek a, tihfel ngai an tifel thuak tawh niin an tarlang.

Kum 21 mi Deulofeu manah Toffees hian £5m an seng dawn a, 2013-14 season khan loan-in an lo hawh tawh a game 11-ah inkhel bultanin goal li a khung.

A contract ziah turah hian Barcelona-in laklet leh thuai theihna an nei ang a, season hnih hnuah an duh chuan sum sengin an lalet thei ang.

Transfer chungchang hi kar hmasa lam khan buapui tan tawh niin Thawhtanni khan Deulofeu hian Liverpool a thleng tawh bawk a ni.

Spain Under-21 winger hian season liamta khan loan thovin Sevilla a zawm a, game 28 khelin goal thum a khung.

Everton hian tun nipui transfer chhung hian Tom Cleverley an lo lalut tawh a, Deulofeu hi an lakluh chuan tun nipui a an player lei thar pahnihna tur a ni ang.