13 Feb 2018 11:10

inkhel

European club zinga squad manto ber Man City

CIES Football Observatory chuan Europe khawmualpui football-a club hrang hrangte an zirchian hnuin European club zinga squad manto ber chu Manchester City a ni tih an tarlang.

City squad manto zawng belhkhawm hi €878m zet a tling a, English club hi PSG-in an zui a Ligue 1 club squad manto zawng hi €805m a tling pha ve bawk.

City leh PSG hnungah hian Manchester United, Barcelona, Chelsea leh Real Madrid-te an intlar ve bawk a, Champions League last 16-a Tottenham hmachhawn tur Juventus pawh pasarihna an ni pha.

Squad manto zual sawm zingah Bayern Munich an lang pha lo va, German club hian 11-na hauh pha thungin an squad manto zawng hi €363m a ni bawk.

Tottenham pawh European club zinga squad manto zingah 12-na an hauh pha a, London club squad manto zawng hi €358m a tling.

2015-2016 season-a Premier League champion Leicester City pawhin 24-na an hauh ve bawk a, an squad manto zawng hi €162m a ni.

EUROPEAN CLUB ZINGA SQUAD MANTO TOP 20:

1. Manchester City - €878m

2. PSG - €805m

3. Manchester United - €747m

4. Barcelona - €725m

5. Chelsea - €592

6. Real Madrid - €497m

7. Liverpool - €461m

8. Juventus - €448m

9. Arsenal - €403m

10. Everton - €365m

11. Bayern Munich - €363m

12. Tottenham - €358m

13. AC Milan - €305m

14. Atletico Madrid - €298m

15. Monaco - €286m

16. Dortmund - €268m

17. AS Roma - €262m

18. Southampton - €229m

19. Crystal Palace - €225m

20. Inter Milan - €217m