Europe league liana player man to zual 5 theuh

05th September 2019, 03:09AM

Nipui transfer window chu a inkhar fel ta hlawm a, player lei leh hralh theih a nih chhung khan Europe khawmualpuia league lian pangaa club hrang hrangte chuan pawisa an hmang nual hlawm a. League hrang hranga player man to zual panga te han tarlang ila.

Europe khawmualpuia league lian zual panga - Premier League, La Liga, Bundesliga, Ligue 1 leh Serie A club te chuan September 2 thleng khan pawisa an hmang teuh hlawm a. Transfer window inkhar hnuah player man to zualte hi kan lawr khawm dawn a ni.

Premier League
Manchester United chuan Ole Gunnar Solskjaer kaihhruaina hnuaiah squad thawm that hna an thawk nasa hle a. Harry Maguire chu man to zetin an lei a, khawvela defender man to ber a nih theih phah hial a. Arsenal, Manchester City leh Tottenham Hotspur te pawhin player leina atan hian pawisa tam tham tak an hmang bawk a ni.

Top 5:
1) Harry Maguire - £80 million Leicester City to Manchester United
2) Nicolas Pepe - £73 million Lille to Arsenal
3) Rodri - £70 million Atletico Madrid to Manchester City
4) Joao Cancelo - £65 million Juventus to Manchester City
5) Tanguy Ndombele - £63 million Lyon to Tottenham

Bundesliga
Germany rama league sang berah rin lawk ang deuhin Bayern Munich chu sum seng nasa berah an tang leh a. An player lei Lucas Hernandez leh Benjamin Pavard te chu man to huangah hian an lang ve ve a. Borussia Dortmund player pawh pahnih chu an lang.

Top 5:
1) Lucas Hernandez - £68 million Atletico Madrid to Bayern
2) Mats Hummels - £34 million Bayern to Dortmund
3) Benjamin Pavard - £31 million Stuttgart to Bayern
4) Kerem Demirbay - £28 million Hoffenheim to Bayer Leverkusen
5) Thorgan Hazard - £23 million Gladbach to Dortmund

La Liga
Kumin nipui laia transfer window inhawn chhungin Spain ram lampang hian chanchin an nei lian deuh ber a tih theih a, player leina atan sum pawh an hmang hnem hle a. £100 million chuanga player an lei hi pahnih an awm a, Joao Felix leh Antoine Griezmann te chu man to zual pahnih an ni.

Top 5:
1) Joao Felix - £113 million Benfica to Atletico Madrid
2) Antoine Griezmann - £108 million Atletico to Barcelona
3) Eden Hazard - £89 million Chelsea to Real Madrid
4) Frenkie De Jong - £63 million Ajax to Barcelona
5) Luka Jovic - £58 million Eintracht Frankfurt to Real Madrid

Serie A
Italy ram league-ah chuan Romelu Lukaku chu man to ber niin, Matthijs de Ligt chu pahnihna a ni bawk a. Napoli player pahnih pawh man to zual panga zingah hian an lang a ni.

Top 5:
1) Romelu Lukaku - £70 million Manchester United to Inter
2) Matthijs de Ligt - £68 million Ajax to Juventus
3) Hirving Lozano - £34 million PSV to Napoli
4) Kostas Manolas - £32 million AS Roma to Napoli
5) Rafel Leao - £32 million Lille to AC Milan

Ligue 1
League lian panga zingah chuan France rama league sang berah hian pawisa an hmang nasa lo ber a. Sevilla atanga Monaco lam pantu Wissam Ben Yedder chu player man to ber a ni.

Top 5:
1) Wissam Ben Yedder - £37 million Sevilla to Monaco
2) Idrissa Gueye - £29 million Everton to PSG
3) Abdou Diallo - £29 million Dortmund to PSG
4) Jeff Reine Adelaide - £23 million Angers to Lyon
5) Renato Sanches - £23 million Bayern to Lille

Copyright © inkhel.com 2024. All rights reserved.