09 Jun 2015 01:02

digimalt

​Europe Champion-in Pogba duh

Barcelona chuan French midfielder Paul Pogba an duh tih thuthang a awm, hei hi thuthang mai a ni ta lo, Europe Champion Barcelona chuan Champions league final-a an khingpui Juventus midfielder kum 22 mi Paul Pogba chu an duh thu an sawi chiang ta.

Juventus-a a team-mate ten an fak rawn leh khawi club mahin an iai loh tur midfielder naupang hi Barcelona president Josep Maria Bartomeu chuan an duh thu sawi chhuakin,"Pogba hi player tha a ni a, lak kan tum zing ami a ni, kan ngaihven hle, mahse a bak erawh ka sawi thei rih lo," tiin.

Juventus chuan Pogba hi an hralh dawn a nih chuan tun nipui bazarah hi chuan €100million man lai a tlin tawh rin a ni. Barcelona chuan Champions Leageu final Berlin-a khelh zawh takah Italian Champion Juventus hi 3-1 in an hneh a, final-a an khingpui midfielder Pogba that zia an hmu chiang ta hle niin a lang.

Luis Enrique chuan Barcelona Treble champion pui mahse a chhuahsan thut thei reng tih thuthang awm chu Barca president Bartomeu chuan Treble champion hlim hlawl an nih bakah, hna ropui tak a thawh zawh hnu lawka a chhuah leh mai a rin loh thu a sawi nghe nghe a ni.

Pogba hi Europe Club liante chuan an duh deuh vek ti ila kan sawi sual lovang. English Club Manchester United chuan an player hlui hi ngaihven deuh hlek mahse Barcelona an rawn lan takah chuan Pogba hian United ai chuan Spain lam a thlan ngei a rinawm tak zawk a ni.