Chelsea chuan inrinni zan Premier League inkhelah Premier League-a hneh theih loh ang maia kal tluang Manchester City chu Stamford Bridge-ah si hnih faiin an lo hneha, mahse Chelsea manager Maurizio Sarri chuan inkhel zawhah City chu Europe-a an that ber thu a sawi.

City an chak lova, Liverpool an chak tak si ah chuan City hian hmahruaitu an nihna pawh hloh nghalin, Liverpool chu league table lerah an awm. Sarri chuan, “Tun dinhmunah chuan City hi Europe-a team tha ber an ni.

“City lakah hnehna chang mah ila, kan vennei tel ve deuh tih a lang. Kan vannei ka tih chhan chu a tir minute 25 chhung khan goal khung thei an ni. First half-ah tlemin kan vannei a, mahse second half-ah kan khel tha hle. Heti ang team lian tum hi chuan phurna nasa tak hi a awm a, chak duhna thinlung tak tak put pawh a awl hle. Mahse season tluanin chutiang rilru chu team te lakah pawh kan put a ngai a ni. City kan hmachhawn tuma kan rilru put hmang ang kha kan put reng a ngai a, a nih loh chuan point kan hloh fo dawn a ni,” a ti.

Inkhelah hian first half-ah Chelsea an bet hle a, Sarri sawi ang hian vannei tho mahse, City hian clear chance an nei bik lo. Chelsea an khawng tluana, an defender-te an khel tha hle. Second half-ah erawh engkim a danglama, Chelsea in bul tan tha in, an khel a hmuhnawm chho hle a, champion lai lakah clean-sheet neiin point thum pawimawh tak an hlawhchhuak zui ta a ni.