CIES Football Observatory lama an researcher te chuan Manchester City rawlthar Phil Foden chu tun dinhmuna, Europe-a football player hlu ber niin an chhut.
CIES lamin an chhut danin, kum 21 mi Foden-a hlut zawng hi euro maktaduai 190.2 (pound maktaduai 163.4) lai mai a ni a, tun season liamtaa a chet tha Foden hian a chhawr hle.
CIES-in Europe-a player hlu zual 10 an tarlanah, Premier League-a khel panga an awma, an zinga pali chu English player niin, English mi nilo awmchhun hi Manchester United thiampuipa Bruno Fernandes a ni.
Top 10-ah hian Bundesliga player pahnih leh La Liga player pathum an awma, Europe League lian panga zing atangin Serie A leh Ligue 1- te chuan player thawh an nei lo.
Top 10-ah hian PSG forward Kylian Mbappe a lang lova, hei hi a chhan nia lang chu Mbappe hian PSG-ah kum khat dang bak contract a neih tawh rih loh vang niin a lang.
Europe-a player hlu zual 10 leh an hlut zawng:
- Phil Foden (Man City) - £163.4
- Mason Greenwood (Man Utd) - £153m
- Marcus Rashford (Man Utd) - £137m
- Erling Haaland (Dortmund) - £134m
- Bruno Fernandes (Man Utd) - £132m
- Frenkie de Jong (Barca) - £119m
- Pedri (Barca) - £114m
- Alphonso Davies (Bayern) - £113m
- Joao Felix (Atl. Madrid) – £110m
- Mason Mount (Chelsea) - £106m