​Europe-a English Club chet that loh chhan Van Gaal-a'n a hria

27th September 2015, 10:09PM

Season thum liamta khan English club te chuan vawi khat chiah Champions League semi final an lut ! Hengte a nih avangin UEFA chuan English club quota tih tlem tumin dan lek an tum mek !

Barcelona, Bayern Munich leh Ajax-te lo enkawl tawh Manchester United boss Van Gaal chuan European competition-a English club an chet that loh chhan a hre chiang hle niin a insawi. Van Gaal chuan League dang zawng aiin English Premier League hahthlak a tih thu leh champion tuma inumna hautak tak avangin Europe-ah English Club-te chuan results an nei tha thei lo niin a sawi.

"Premier League hi a hautakin a harsa hle a, awlsam taka hneh theih an awm lo. Inelna hautak tak England-a hmachhawn zawha mid week-a Champions League khelh hi thil hautak tak a ni. Hei tak hi a ni League dang leh Premier League club ten kan tawn inang lo chu.

"Premier League team li zinga Champions League group stage paltlang thei tur sawi lawk har hle mahse keini team hi group stage paltlang thei tura team quality nei tha kan ni.

"Chutih laiin inelna hautak tak hmachhawn hnua tha taka midweek match khelh hi player ten harsa an ti, chuvang chuan thlak kualte hi a ngai thin a, ka player te ka chhan an ngai thin." tiin Van Gaal chuan a sawi.

Manchester United hian tun nilaini hian Wolfsburg chu Old Trafford-ah an mikhual dawn a, Bayern Munich-in 5-1 laiin kar hmasa thawhtan zan khan an hneh a, si khat faiin Bayern Munich an chak lo ren rawn a, mahse second half-ah Lewandowski a rawn lut a, minute 9 chhungin goal 5 lai a rawn khung hem mai. Khami chungchang kha Van Gaal chuan sawi chhunzawmin,

"First half-ah khan Wolfsburg kha an khawng hle, game an control, chutih laiin second half minute 9 chhunga thil thleng kha chu a mak a ni. Barcelona ka enkawl lai khan 3-0 in Valencia lakah hma kan hruai, 3-4 in min rawn lehthal, mahse minute 9 chhunga goal 5 kha chu ka la hmu ngai lo a ni," tiin a sawi.

picture credit : Matthew Peters

Copyright © inkhel.com 2024. All rights reserved.