Europa League round of 32 first-leg khelh zawh fel a ni a, Premier League club pali zingah Manchester United leh Tottenham te an chak nuamsa a, Leicester City leh Arsenal te erawh an chak zo lo ve ve.

Manchester United hian Juventus home Juventus Stadium-ah Spanish club Real Sociedad an hmachhawna, United hi 4-0 in an chak.

United tan hian an thiampuipa Bruno Fernandes chuan goal hnih a khung bakah, Marcus Rashford leh Daniel James te chuan goal khat ve ve an khung bawk.

Tottenham chuan Puskas Arena-ah Austrian club Wolfsberg an tlawha, 4-1 in mikhual lam Tottenham hian hnehna an chang.

Tottenham tan hian Heung-min Son, Gareth Bale, Lucas Moura leh Carlos Vinicius te chuan goal khat vek an khunga, Wolfsberg goal neih chhun hi Michael Liendl-a’n penalty spot atanga a khung a ni.

Leicester chuan Czech club Slavia Praha tlawhin, goal awm lovin an inhnehtawka, Arsenal chuan Roma-ah home Stadio Olimpico-ah Portuguese club Benfica hmachhawnin, team hnihte hi 1-1 in an inhnehtawk ve bawk.

Inkhel langsar dangah AC Milan chuan Crvena zvezda tlawhin, 2-2 in an inhnehtawka, AS Roma chuan anmahni lo mikhual tu Braga chu si hnih faiin an hneha, Ajax chuan anmahni lo mikhualtu Lille chu 2-1 in an hneh bawk.

Scottis club Rangers chuan Antwerp tlawhin, Steven Gerrard leh a naute hian 4-3 in hnehna an changa, Spanish club Granada chuan an mikhual Napoli chu 2-0 in an hneh bawk a ni.