27 May 2015 03:11

Serchhip Chelsea

Europa League khel tur Hammers.

West Ham United chuan Fair Play kalphung thar an hmang tangkai a, season tharah Europa League an khelh phah dawn.

Hammers hian Premier League Fair Play table-ah pakhatna dinhmun an luah a, mahse an kalkawng erawh a awlai dawn lo. July ni 2 atang hian qualifying first round an khel tan dawn a, group stage thleng turin round pali paltlang an ngai ang.

West Ham hotute pahnih David Sullivan leh David Gold chuan chona thar an hmachhawn dawn tih an sawi a, mahse an phur thu an sawi.

Hammers hian season thar thleng chiah an khelmual Boleyn Ground an hmang tawh dawn a, 2016-17 season atang chuan Olympic Stadium-ah an insawn dawn a ni.

London club hian manager tur an zawng mek a, Pathianni khan an manager chhawrlai Sam Allardyce chuan a chhuahsan a tunge an lakluh dawn ala hriatloh.