Nizan khan Europa League semi final khelh zawh a ni a, Dnipro Dnipropetrovsk leh champion lai Sevilla te chuan an khingpui hneh ve vein final an lut ta a ni.

Ukraine club Dnipro Dnipropetrovsk chuan si khat faiin Rafael Benitez-a hote Napoli chu an hneh a, 2nd leg-a goal awmchhun hi second half 58th mins-a Yevhen Konoplyanka cross tha tak Seleznyov tauh goal a ni. Heti hian aggregate-in Dnipro hian 2-1 in hnehna an chang ta a ni.

Semi final pakhat zawkah Champion lai Sevilla chuan Serie A club Fiorentina chu si hnih faiin an hneh a, Sevilla tan Carlos Bacca leh Daniel Carrico-te chuan goal khungin title humhim turin dinhmun thaah an ding ta. Aggregate chuan 5-0 laiin Sevilla hian Fiorentina an hneh ta a ni.

Europa League final hi May ni 27, 2015 hian khelh a ni dawn a, kumina champion hian season thar Champions League an qualify dawn. Champion lai Sevilla hi champion leh tura rinkai an ni.