Europa League Quarter-final khelh zawh a ni ta a, Premier League club pahnih Chelsea leh Arsenal-te chuan semi-final an lut ve ve.
Second-leg inkhelah Chelsea chuan Slavia Prague chu Stamford Bridge-ah an lo mikhual a, Chelsea hi 4-3 in an chak. Chelsea hian first leg-ah Slavia hi si khat faia an lo hneh tawh bawk avangin aggregate-ah 5-3 in an chak a, semi-final khel turin an inpet tling.
Chelsea hian 4-1 in hma an hruai zet hnuah goal hnih dang an chhuah belh. Chelsea tan Pedro chuan goal hnih a khunga, Olivier Giroud chuan goal khat khung bawkin Slavia player Simon Deli chuan an lamah a khung palh bawk. Slavia tan Tomas Soucek chuan goal khat khungin Petr Sevcik chuan minute thum chhungin goal hnih a khung bawk.
Chelsea 4-3 Slavia Prague (agg 5-3)
(Pedro 5’, 27’, Deli 9’ OG, Giroud 17’) (Soucek 25’, Sevcik 51’, 54’)
PLAYER RATINGS
Chelsea: Arrizabalaga 5, Azpilicueta 6, Luiz 5, Christensen 6, Emerson 6, Kante 7, Barkley 6, Kovacic 6, Hazard 7, Pedro 8, Giroud 8. Subs: Jorginho 5, Hudson-Odoi N/A, Willian 5.
Slavia Prague: Kolar 5, Ngadeu-Ngadjiu 6, Kudela 5, Boril 6, Deli 6, Zmrhal 6, Soucek 8, Traore 5, Kral 5, Masopust 5. Subs: Stoch 5, Olayinka 5, Skoda N/A.
Premier League club dang Arsenal pawhin first-leg ah si hnih faia an lo hneh tawh Napoli chu second leg-ah si khat faiin an hneh leh a, aggregate-ah Arsenal hi 3-0 a chakin semi-final an luta, Europa League final-ah London derby kan hmu lovang tih a sawi theih loh.
Second leg-a goal awmchhun khungtu hi French striker Alexandre Lacazette a ni a, first half-a thun a ni. Napoli hian Arsenal an nawr hle a, statistics lamah pawh an chungnung hle. Mahse a pawimawh ber goal khung lamah Arsenal an chungnung daih zawk avangin Napoli an tla ta a ni.
Napoli 0-1 Arsenal (agg 0-3)
(Lacazette 36’)
PLAYER RATINGS
Napoli: Meret 6, Maksimovic 6, Chiriches 6, Koulibaly 6, Ghoulam 6, Zielinski 6, Ruiz 5, Allan 5, Callejon 5, Insigne 4, Milik 4. Subs: Meretens 6, Younes 6, Marco Rui 6.
Arsenal: Cech 6, Sokratis 6, Koscielny 6, Monreal 6, Maitland-Niles 5, Torreira 5, Xhaka 5, Kolasinac 5, Ramsey 6, Lacazette 7, Aubameyang 6. Subs: Mkhitaryan 5, Elneny 6, Iwobi 6.
Semi final second leg inkhel dangah Valencia chuan an mikhual Villarreal chu si hnih faiin an hneh a, first leg-ah Valencia hi 3-1 a an chak tawh bawk avangin aggregate-ah 5-1 in an tlanga, semi-final ah Arsenal an hmachhawn dawn.
German club Eintracht Frankfurt chuan first leg-ah 4-2 laia an hneh loh Benfica an lo mikhual a, Frankfurt hi 2-0 in an chak avangin aggregate-ah 4-4 a ni a, Frankfurt hian away goal hnih neiin Benfica erawhin away goal pakhat pawh an nei lova, away goal rule hmangin Frankfurt hian semi-final an lut a, Chelsea nen an inhmachhawn ang.